Sionist rejimi Əl-Əqsa məscidinin imamını həbs etdi
Sizinyol xarici KİV-ə istinadən xəbər verir ki, sionist rejimi 10 mart çərşənbə günü Əl-Əqsa məscidinin imamı və Qüdsdəki Ali İslam Şurasının rəhbəri Əkrəmə Səid Səbrinin evinə hücum edərək onu həbs edib.
Fələstin xəbər agentliyi “Məa” bu xəbəri yayımlayaraq belə yazıb: “Kəşfiyyat qüvvələri və sionist rejim polisi, bu gün Şeyx Əkrəmə Səbrinin “Əs-Səvanə” məhəlləsindəki evinə hücum edərək onu həbs etmişlər. Polislər saxlanma səbəbi və harada dindiriləcəyi barədə heç bir izahat vermədən onu özləri ilə aparıblar.”
Əl-Əqsa məscidinin imamı, Fələstin müqavimətini dəstəkləmək, bəzi ölkələrlə sionist rejim arasında münasibətlərin normallaşmasına qarşı çıxmaq və qanunsuz sionist məskunlaşmalarına etiraz etmək və s. kimi müxtəlif bəhanələrlə dəfələrlə həbs olunub.
