Sionist rejimin Baş nazirinə güllə ilə ikinci hədə mesajı göndərilib

İbrani mediasının güllələrlə bu rejimin baş nazirinə təhdid məzmunlu mesaj göndərilməsi xəbərindən cəmi bir neçə gün sonra media sionist rejimin baş nazirinə ikinci təhdid mesajının göndərildiyini elan etdi.

Məlumata görə, İbrani mənbələri bu gün axşam (cümə axşamı) xəbər veriblər ki, sionist Baş nazir Naftali Bennet növbəti dəfə təhdid mesajı alıb.

Sionist rejimin 12-ci kanalının xəbərinə əsasən, bu gün sionist Baş nazirin ailəsinə güllə ilə daha bir təhdid mesajı göndərilib.

Kanal 12 əlavə təfərrüat vermədən bildirib ki, bu yeni mesajda Naftali Bennetin oğullarından biri olan Unit Bennet təhdid edilib.

Sionist rejimin (Şabak) Kəşfiyyat və Daxili Təhlükəsizlik Təşkilatı bu ayın 26-da bu rejimin Baş nazirinin evinə güllə ilə birlikdə təhdid məzmunlu mesajın göndərildiyini elan edərkən, bu hesabat dərc edilib.

Sionist polisi bəyanat yayaraq, məsələni araşdırmaq üçün Şabak ilə birlikdə çalışdıqlarını və Tel-Əvivin mediaya məsələ ilə bağlı əlavə təfərrüatları dərc etməkdən çəkinməyi tapşırdığını bildirib.

Bu xəbər sionist medianın bazar ertəsi Tel-Əviv rəsmilərinin işğal olunmuş ərazilərdəki təhlükəsizlik vəziyyəti ilə əlaqədar xaricə səfər etməyəcəyi barədə məlumat yaydığı vaxt yayılıb.

I24-ün məlumatına görə, baş nazir Naftali Bennet, xarici işlər naziri Yair Lapid və İsrailin müvəqqəti hərbi naziri Bani Gantz da daxil olmaqla yüksək rütbəli Tel-Əviv rəsmiləri yaxın gələcəkdə bütün xarici səyahət planlarını ləğv etmək barədə razılığa gəliblər.