Sionist rejimin Ukraynadakı səfiri tənbeh edilib

İsrailin Ukraynadakı səfiri sionistlərin iki yüksək rütbəli diplomatının Rusiya ilə əlaqə yaradaraq Rusiyadan sionistlərin Ukraynanı tərk etməsinə köməklik göstərməsini istədiyinə görə, çağırılıb və tənbeh edilib.

İsrailin Kiyevdəki səfiri Mixael Brodski cümə axşamı Ukrayna Xarici İşlər Nazirliyinə çağırılıb və ona töhmət verilib.

“Times of Israel”in məlumatına görə, “Axius” xəbər saytı çərşənbə günü yazıb ki, İsrail Xarici İşlər Nazirliyinin Baş direktoru Alon Aşpez Rusiya Xarici İşlər nazirinin müavini Mixail Boqdanova zəng edərək sionistləri Ukraynadan çıxarmaqda Moskvadan yardım istəyib.

Bununla bağlı Brodski Ukrayna Xarici İşlər Nazirliyinə çağırılıb və “Times of Israel”in yazdığına görə, onlar arasında qızğın mübahisə başlayıb. Ukraynalılar əvvəllər də Qərb diplomatlarının Kiyevdən çıxarılmasını tənqid ediblər.

İsrail Xarici İşlər Nazirliyinin sözçüsü bildirib ki, səfir Rusiya Prezidentinin Qərbi Asiya məsələləri üzrə nümayəndəsi olan Boqdanovla əlaqə saxlamaq niyyətinin gərginliyi azaltmağa çalışmaq olduğunu bildirib. Həmçinin, sionist diplomatlarla vətəndaşların vəziyyətindən narahatlığını ifadə edib.

İki həftə əvvəl İsrail Xarici İşlər Nazirliyi cümə axşamı Ukrayna səfirini Yair Lapidin müsahibəsinə son etirazına görə danlamışdı.

Ukraynanın işğal olunmuş Fələstindəki səfiri Yevgeni Kornişçuk Facebook hesabında Lapidin Rusiyanın Ukraynaya müdaxiləsi ilə bağlı dediklərini tənqid edib.

Çərşənbə günü Axius News-a verdiyi müsahibədə Lapid deyib: “Hazırda İsrailin qiymətləndirməsi ondan ibarətdir ki, biz şiddətli münaqişə görməyəcəyik. Bundan başqa, Dünya Müharibəsinin oradan başlayacağını düşünmürəm.”

Ukraynanın işğal olunmuş Fələstindəki səfiri onun çağırılması və töhmətinə səbəb olan kəskin cavabında yazıb:

“Təəssüf ki, cənab nazir Rusiyanın təbliğat ritorikasını vurğulayır və ən güclü müttəfiqləri olan ABŞ, İngiltərə və Avropa İttifaqının yaxın həftələrdə Rusiyanın Ukraynaya hərtərəfli hərbi zərbə endirmə ehtimalının yüksək olması ilə bağlı mesajlarına məhəl qoymur.”