Sionistlər Məhəmməd Cudənin evini dağıdıb, ailəsinə hücum ediblər

Sionist hərbçilər işğal altındakı Qüdsün cənub-şərqində yerləşən Beyti Səfafə qəsəbəsində fələstinli ailənin iqamətgahına hücum ediblər.

Fələstin İnformasiya Mərkəzinin məlumatına görə, sionist rejimin cinayət və zorakı əməllərinin davamı olaraq, bu rejim qüvvələri çərşənbə günü işğal olunmuş Qüdsün cənub-şərqində yerləşən Beyti Səfafə qəsəbəsində fələstinli ailənin iqamətgahına hücum edərək, bu yaşayış evini vəhşicəsinə dağıdıblar.

Bununla əlaqədar olaraq, fələstinli mənbələr xəbəri təsdiqləyərək əlavə ediblər ki, sionist ordu bir neçə buldozerlə Beyti-Səfafə qəsəbəsindəki Əs-Səfah bölgəsinə hücum edərək mənzili dağıdıb.

Həmçinin, dağıdılan evin Fələstin vətəndaşı olan Məhəmməd Cudəyə məxsus olduğu və onun dağıdılmasının bölgə əhalisinin reaksiyaları, etiraz və qəzəbi ilə müşayiət olunduğu bildirilir.

Bundan əlavə, deyilir ki, sionistlər evi dağıtmaqla yanaşı, bu fələstinli ailənin üzvlərinə də şiddətli hücum edib və onları döyüblər ki, hadisə yerində saatlarla gərgin atmosfer hökm sürüb.

Onların evinin sökülməsi əvvəlcədən xəbər verilmədən və qəfil baş verib.

Bundan əvvəl Birləşmiş Millətlər Təşkilatının Humanitar Məsələlər üzrə Koordinasiya İdarəsi (OCHA) hesabat yayaraq, sionistlərin 19 aprel və 9 may tarixləri arasında ən azı 9 fələstinli yaşayış binasını dağıtdığını və ya müsadirə etdiyini və dağıdıcı tendensiyanın davam etdiyini bildirib.

Hesabatda sionist qəsəbələrinin tikintisinə son qoyulması və Fələstin ərazilərinin işğalının davam etdirilməsinin dayandırılması tələb edilib.