Sionistlərin İranın Misir və Səudiyyə Ərəbistanı ilə yaxınlaşmasından qorxusu
Mossadın keçmiş rəhbəri Herzliya təhlükəsizlik konfransında İranla region ölkələri, xüsusilə də Səudiyyə Ərəbistanı və Misir arasında yaxınlaşma ilə bağlı xəbərdarlıq edib.
Mehr xəbər agentliyinin Rusiya Today-a istinadla verdiyi xəbərə görə, sionist kəşfiyyat təşkilatı Mossadın keçmiş rəhbəri Tamir Pardo Herzliya təhlükəsizlik konfransında çıxışı zamanı İran və region ölkələrinin, xüsusilə də Səudiyyə Ərəbistanı və Misirlə yaxınlaşması barədə xəbərdarlıq edib.
Mossadın keçmiş rəhbəri bəyan edib: İran və region ölkələrinin, xüsusilə Səudiyyə Ərəbistanı və Misirin yaxınlaşması İsrailin Yaxın Şərqin güclərindən biri kimi mövqeyini təhdid edəcək.
Pardo çıxışına davam edərək daxili təfriqəni sionist rejim üçün ən böyük təhlükə hesab edib.
O, əlavə edib: Bu yaxınlarda Səudiyyə Ərəbistanının İrana yaxınlaşdığını gördük və BƏƏ ilə danışıqlar davam edir və bəzi ölkələrin Suriya, BƏƏ, İordaniya, indi də Misirlə əlaqələrinin şahidi oluruq.
Pardo əlavə edib: “İsrail üçün ən böyük təhlükə daxili təfriqə və parçalanmadır və son seçkilərdən sonra sionist ideallara qarşı İsraili idarə etməyə çalışan bir banda formalaşıb. ”
O, Netanyahunun kabinetinə qarşı müxalifətin etirazlarının davam etməsinə toxunaraq deyib:
Beş ay əvvəl baş verənlərə nəzər saldıqda görürük ki, İsrailin ən böyük məğlubiyyəti beynəlxalq səhnədə olub.
Mossadın keçmiş rəhbəri sözünə davam edib: “İsrail avtokratiyaya doğru irəliləyir və bu, çoxluğun bunu istəməsi deyil, kiminsə siyasi sistemlə oynamasıdır.”
Bundan əvvəl sionist rejimin keçmiş baş naziri Yair Lapid İran və Misir arasında hər hansı yaxınlaşma ilə bağlı baş nazir Benyamin Netanyahunun kabinetinə xəbərdarlıq etmiş və tvitində yazmışdı: Misir və İranın yaxınlaşması bizim regiondakı maraqlarımızla ziddiyyət təşkil edir.
