Sionistlərin kabusu

İşğal altındakı Qüds şəhərindəki partlayışlardan 5 gün keçsə də, ciddi təhlükəsizlik tədbirləri görməsinə və yüzlərlə qüvvəsini İordan çayının qərb sahilində, xüsusən də Qüdsdə yerləşdirməsinə baxmayaraq, sionist rejim hələ də bu əməliyyatın icraçılarını müəyyənləşdirə bilməyib.

Fələstin İnformasiya Mərkəzinin bazar günü verdiyi məlumata görə, bu əməliyyat ötən çərşənbə baş tutub və işğal altındakı Qüds şəhərində iki yerdə iki müxtəlif partlayış nəticəsində iki sionist həlak olub, 46 nəfər yaralanıb. Ağır yaralanan bu şəxslərdən biri dünən dünyasını dəyişib.

Sionist xəbər saytı “Valla” vurğulayıb ki, İsrail rejiminin təhlükəsizlik və kəşfiyyat xidmətlərinin əməliyyatın icraçılarının gizləndiyi yerin müəyyən edilməsi üçün axtarış əməliyyatı fasiləsiz davam edir.

Bu qüvvələr hələ də tam hazırlıq vəziyyətindədirlər və İsrail rejiminin düşərgə yaxınlığındakı nəzarət-buraxılış məntəqəsindəki əməliyyatdan sonra şəhid Udi Ət-Təmimi kimi bu şəxsin və ya onun bağlı olduğu qrupun daha bir əməliyyata başlayacağından narahatdırlar.

Sözügedən mənbə qeyd edib ki, İsrail rejiminin təhlükəsizlik qurumları əməliyyatın icraçıları haqqında məlumat əldə etmək üçün son günlər Qüdsdə onlarla müşahidə kamerasını yoxlayıb, lakin hələlik heç bir nəticə əldə etməyib.

Bu sionist qəzet belə bir fikir ifadə edib ki, İsrail rejiminin mənbələrinə görə, bu əməliyyatın icraçısı və ya icraçıları kənardan və ya müəyyən bir hərəkat və qrupdan heç bir əmr almadan bu əməliyyata başlayıblar. Uzun müddət bunu planlaşdırıblar və bölgədə çoxlu sayda israillinin varlığına əmin olduqdan sonra birinci bombanı partlatdılar və qısa müddət sonra ikinci bombanı partladıblar.

İsrail rejiminin mənbələri Qüds əməliyyatının icraçısı və ya icraçılarının bu şəhərin şərqinin sakinləri olduğunu və İordan çayının qərb sahilinə getmiş ola biləcəyini irəli sürüb.