Sızdırılan səs yazısı Mossadın etirafını ortaya qoyur: Biz böyük məğlubiyyətə yaxınlaşırıq
Mossad zabiti Mordechai Kidar ilə mətbuat nümayəndələri arasında keçirilən görüşün audio yazısı yayılıb. Kidar qeyddə İsrailin İrana qarşı hərbi müharibədə təkbaşına qalib gəlməsinin mümkün olmadığını bildirir və yeganə çıxış yolunun İran xalqını mövcud hakimiyyətə qarşı səfərbər etmək olduğunu müdafiə edir.
İsrail kəşfiyyat agentliyi Mossad-ın İran masasında fəal olduğu deyilən Mordechai Kidarın İsrail mətbuatının nümayəndələri ilə keçirdiyi görüşə aid olduğu iddia edilən səs yazısı yayılıb .
Qeyd edək ki, Kidar İsrailin təkbaşına İrana qarşı hərbi qələbə qazana bilməyəcəyini, ölkəsini “böyük məğlubiyyət”dən xilas etməyin yeganə yolunun İran xalqını hökumətə qarşı təşkilatlandırmaq olduğunu bildirib.
Ona ünvanlanan tənqidlərə cavab olaraq Kidar niyə hərbi münaqişədən daha çox ictimaiyyəti təhrik etmək strategiyasında israr etdiyini izah etdi.
“Bizim təkbaşına qalib gəlmək mümkün deyil”
İrana qarşı hərbi qələbənin qeyri-mümkün olduğunu vurğulayan Kidar, “Özünüzə sual verin, İrana qarşı öz gücümüzlə qalib gələ bilərikmi? Sizi narahat etmək istəmirəm, amma mümkün deyil” deyib.
Mossad zabiti Amerikanın köməyinə güvənməyin əsassız bir gözlənti olacağını bildirib və əlavə edib: “Yaxşı, Amerikanın köməyimizə gəlməsini gözləməliyik? Amerika Yəmənlə müharibəni bir aydan çox davam etdirə bilmədi”.
O, iddia edib ki, mövcud vəziyyət davam edərsə, İran hər gün İsrail infrastrukturuna qarşı “terror hücumlarını” davam etdirəcək və bu, ölkəni “böyük məğlubiyyətə” yaxınlaşdıracaq.
“Yeganə çıxış yolu İran xalqını hökumətə qarşı təşkil etməkdir”
Mossad zabiti Kidar deyib ki, İsraili “böyük fəlakətlərdən” qoruyacaq və məğlubiyyətin qarşısını alacaq yeganə həll yolu İran xalqını səfərbər etməkdir.
Kidar deyib: “Bizi məğlubiyyətdən xilas edə və böyük fəlakətlərin qarşısını ala biləcək yeganə şey İran xalqını İran hökumətinin terrorçularına qarşı təşkilatlandırmaq və onları bu hökumətə qarşı tədbir görməyə vadar etməkdir”.
Realist olmaq lazım olduğunu bildirən Kidar, İranın Qəzza və ya Hizbullah kimi olmadığını, 50 illik tarixi, böyük və güclü infrastrukturu olan bir dövlət olduğunu bildirib.
O əlavə edib ki, bu “fəlakət” onun ərazisində baş verməməlidir və bu fikir baş nazir Benyamin Netanyahu tərəfindən də vurğulanıb.
