Sorğu: İsraillilərin 82%-i Qəzzanın deportasiyasını dəstəkləyir

İsraildə keçirilən yeni sorğu nəticəsində məlum olub ki, məskunlaşanların 82 faizi fələstinlilərin Qəzza zolağında məcburi köçkünlüyünü dəstəkləyir. Sorğuda iştirak edənlərin 47 faizi İsrail ordusunun Tövratda göstərildiyi kimi qırğınlar törətməli olduğu qənaətindədir.

İsraildə keçirilən və “Haaretz” qəzetində dərc olunan yeni sorğu nəticəsində məlum olub ki, israillilərin böyük əksəriyyəti fələstinlilərin deportasiyasını dəstəkləyir.

Haaretz-in məlumatına görə , rəyi soruşulanların 82 faizi fələstinlilərin Qəzza zolağından “məcburi qovulmasını”, 56 faizi isə İsrailin ərəbləri məcburi köçürməsini bəyənir.

Sorğu bütün İsraildə mart ayında Penn State Universiteti tərəfindən aparılıb.

İsrail ordusunun “Yeşuanın Yerixoda etdiyi kimi fəth edilmiş şəhərin bütün sakinlərini öldürməsi” ilə bağlı suala respondentlərin 47 faizi bu fikirlə razılaşıb.

Respondentlərin 65 faizindən çoxu yəhudilərin bibliyadakı düşməni Amalekin müasir əks olunmasına inanır və onların 93 faizi “Amaleqləri məhv etmək” əmrinin bu gün də qüvvədə olduğunu düşünür.

Haaretz-in məlumatına görə , məcburi köçkünlərə dəstək xeyli artıb.

“2003-cü il sorğusunda bu suallara müsbət cavablar “cəmi” 45 faiz və 31 faiz olub”, – qəzet qeyd edir.

Bu vəziyyət İsrail cəmiyyətində radikallaşmanın mühüm göstəricisi hesab olunur.

Bu fikirlərin daha çox yəhudi israillilər, xüsusilə 40 yaşdan aşağı olanlar arasında olduğu müşahidə edilmişdir; Bu yaş qrupunda olan kişilərin yalnız 9 faizi sürgün və ya soyqırım ideyalarını rədd edib.