Suriya hökuməti İsrailə raket atıldığı iddiasını inkar edib
Suriya hökuməti İsrailə raket atıldığı iddiasını inkar edərək İsrailin Suriya ərazisini atəşə tutmasını pisləyir.
APA xəbər verir ki, bu haqda Suriyanın Xarici İşlər Nazirliyi müvafiq bəyanatla çıxış edib.
“Biz hələ də Suriyadan İsrailə atılan atəşlə bağlı məlumatları yoxlayırıq və təsdiq edirik ki, ölkəmiz Yaxın Şərqdə heç bir dövlət üçün təhlükə yaratmayıb və yaratmayacaq da. İsrailin Dəra əyalətini hədəfə alan zərbəsini qətiyyətlə pisləyirik və bunu Suriyanın suverenliyinin kobud şəkildə pozulması hesab edirik”, – bəyanatda deyilir.
