Suriyanın hava hücumundan müdafiəsi Dəməşq səmasında düşmən hədəflərinə cavab verir

Suriya xəbər mənbələri bu ölkənin hava hücumundan müdafiə qüvvələrinin Dəməşq səmasında düşmən hədəfləri ilə qarşılaşdığını bildirib.

Məlumata görə, Suriya xəbər mənbələri Dəməşq səmasında bir neçə partlayış səsinin eşidildiyini bildirib.

Suriyanın Əl-Əxbariyyə şəbəkəsi ölkənin hava hücumundan müdafiə qüvvələrinin Dəməşq səmasında bir neçə düşmən hədəfini ələ keçirməyə və məhv etməyə müvəffəq olduğunu bildirib.

Yenə də Suriya rəsmi mənbələri bu partlayışlar nəticəsində ölənlər və ya mümkün dəyən zərərlər, atılan və ələ keçirilən raketlərin sayı barədə ətraflı məlumat dərc etməyib. Bununla belə, Əl-Aləm xəbər kanalı öz mənbələrinə istinadən xəbər verir ki, bu ana qədər Suriya müdafiəsi üç raketi vurub.

Suriya hərbi mənbələri ötən ayın 26 sentyabr tarixində sionist rejimin Dəməşqin hava limanı və cənubuna havadan raket zərbələri endirməsi nəticəsində 5 hərbçinin həlak olması və əmlaka ziyan vurması barədə məlumat yayıb.

Bu mənbələr bildiriblər ki, sionist rejim qırıcıları Suriyanın şimal-şərqindən və Tiberiya gölündən Dəməşq hava limanına və bu şəhərin cənubunun bəzi hissələrinə doğru bir neçə raket atıblar və bu ölkə ordusunun hava hücumundan müdafiəsi bu hücumların qarşısını almaq iqtidarında olub və raketlərin çoxunu vurub.

Sionist rejim qırıcıları növbə ilə Livanın hava məkanını pozaraq və ya işğal altındakı Colan təpələri vasitəsilə Suriyanın şərq və şimal-qərbindəki hədəflərə raket hücumları həyata keçirirlər.

Bu rejim sentyabrın 15-də Hələb hava limanını hədəfə alıb. Bu hücum Hələb hava limanının uçuş-enmə zolağına ziyan vurub. Bundan əvvəl sionist rejim sentyabrın 9-da Dəməşqin cənubundakı hədəflərə hücum etmişdi.

Suriya hökuməti dəfələrlə bəyan edib ki, sionist rejim və onun regional və Qərb müttəfiqləri Suriya hökuməti ilə vuruşan terrorçu təkfirçi qruplara dəstək verirlər.