Suriyanın şərqindəki ABŞ hərbi bazasına raket zərbələri endirilib
Xəbər mənbələri ABŞ-ın Deyrəz-Zur əyalətindəki Əl-Ömər neft sahəsindəki bazasının raket hücumlarına məruz qaldığını bildirib.
Xəbər mənbələri cümə axşamı Suriyanın şərqində Amerika terrorçu əsgərlərinə raket hücumu ilə bağlı xəbərlər dərc edib.
Sabirin News Telegram kanalı Deyrəz-Zur əyalətindəki Əl-Ömər neft yatağında Amerika işğalçılarının bazasının raket hücumları ilə hədəfə alındığını bildirib.
Sabirin yerli mənbələrə istinadən xəbər verir ki, bu hücum zamanı Deyrəz-Zurun “Əl-Xəzra” kəndindəki Amerika əsgərlərinin qərargahı hədəfə alınıb.
“Suriana” radiosu həmçinin Deyrəz-Zurun şərqindəki Amerika bazasından bir neçə partlayış səsinin eşidildiyini və bundan sonra Amerika vertolyotlarının bu ərazinin səmasında davamlı şəkildə uçduğunu bildirib.
“Suriana” radiosu bu partlayışların səbəbi ilə bağlı daha ətraflı məlumat verməyib.
Sentyabr ayının əvvəlində xəbər mənbələri Suriyanın şərqində amerikalı terrorçu əsgərlərə qarşı yenidən hücumlar barədə məlumat vermiş və bu hücumların bir neçə pilotsuz təyyarə tərəfindən həyata keçirildiyini bildirmişdi.
Bu hücum həm də Əl-Ömər neft yatağındakı Amerika bazasına həyata keçirilib. Bu hücumlardan sonra üç partlayış baş verib.
Bundan əvvəl Deyrəz-Zur əyalətindəki “Kuniko” neft yatağındakı Amerika bazası ikinci dəfə raket hücumuna məruz qalmışdı. Bu hücumlardan sonra bu bazada bir neçə partlayış səsi eşidilib.
Amerikanın anti-İŞİD koalisiyası altındakı digər xarici muzdlularla birlikdə Suriyada Əl-Həsəkə, Deyrəz-Zur və Hums əyalətlərində yerləşən 28 açıq hərbi bazası var.
Əl-Ömər yatağı Suriyanın ən böyük neft yatağıdır və burada ən böyük Amerika bazası Deyrəz-Zurun şərqində yerləşir. Suriya hökuməti dəfələrlə bu əsgərlərin mövcudluğunun qeyri-qanuni olduğu və buna son qoyacağı barədə xəbərdarlıq edib.
Amerikalıların Suriyanın şərqində qeyri-qanuni mövcudluğu ölkənin neft və kənd təsərrüfatı məhsullarının talan edilməsi ilə bağlıdır. Suriya dəfələrlə bu işğalçı varlığa son qoyacağını vurğulayıb.
