Suriyanın şimalında ABŞ qüvvələrinə qarşı etiraz aksiyası keçirilib
Suriyanın Həsəka əyalətində ABŞ qüvvələrinin bölgədə yerləşməsinə qarşı etiraz aksiyası keçirilib.
İnterAz SalamNews-a istinadla xəbər verir ki, Həsəka əyalətinin Qamışlı şəhərinin bir neçə kənd və qəsəbəsində eyni zamanda etiraz aksiyaları baş tutub.
Etirazlarda ABŞ qüvvələri ilə yanaşı Türkiyə Ordusu qüvvələrinin də bölgədən çıxması tələb edilib.
Bu etiraz aksiyalarında ABŞ bayrağı yandırılıb.
Qeyd edək ki, Suriyada Fəratın şərqində yerləşən bölgələrin böyük əksəriyyəti ABŞ-ın dəstəklədiyi separatçı kürd bölmələrinin nəzarətindədir. Bölgədə azı 8 qərargahda ABŞ qüvvələri var.
