Təl-Əvivdə əsir mübadiləsi razılaşmasını həyata keçirmək üçün nümayiş
Minlərlə insan Netanyahu kabinetinin məhbus mübadiləsi işindəki fəaliyyətinə etiraz etmək üçün Təl-Əvivdə küçələrə axışaraq məhbus mübadiləsi razılaşmasının həyata keçirilməsini tələb etməklə yanaşı Şin Bet rəhbəri və hökumətin hüquq məsləhətçisini vəzifədən uzaqlaşdırmaq səylərinə qarşı çıxıb.
Sizinyolun xarici medialara istinadən verdiyi məlumata əsasən, İsrailin 12-ci telekanalı bu gün (29 mart) bir proqramda bildirib ki, Təl-Əvivdə minlərlə insan məhbusların geri qaytarılmasını tələb edərək şəhər mərkəzindən Müharibə Nazirliyinə doğru yürüş edib.
Bu arada bir israilli girovun qızı elan edib ki, məhbusların ailələri hökumətdən atasının cəsədini geri qaytarmaq üçün əsgərlərin həyatını riskə atmamasını, əksinə, razılaşma yolu ilə bütün məhbusları geri qaytarmağı xahiş edirlər.
O, həmçinin İsrail ordusunun daha əvvəl atasının cəsədini qaytarmaq üçün hərbi əməliyyat keçirildiyini, lakin əməliyyatın uğursuz olduğunu da açıqlayıb.
Digər tərəfdən Təl-Əviv meri xəbərdarlıq edib ki, hökumət Ali Məhkəmənin qərarına məhəl qoymasa, gündəlik həyatı pozacaqlar.
