Tailandda dəmir yolunda partlayış olub, ölənlər var
Tailandın cənubundakı Sonqxla əyalətində dəmir yolunda partlayış baş verib.
Trend TASS-a istinadən xəbər verir ki, partlayış nəticəsində azı 3 nəfər ölüb, 4 nəfər yaralanıb. Yaralılar xəstəxanaya çatdırılıb.
Tailand Dövlət Dəmir Yollarının məlumatına görə, insident dekabrın 3-də baş vermiş partlayış nəticəsində qatarın relsdən çıxdığı yerin yaxınlığında olub.
Bugünkü partlayış zamanı 7 dəmiryolçu hadisə yerində işləyirmiş.
Hazırda təhlükəsizlik qüvvələri əraziyə baxış keçirir və hadisənin səbəblərini müəyyənləşdirir.
Xatırladaq ki, dekabrın 3-də Sonqxla əyalətində dəmir yoluna qoyulmuş bomba Malayziyaya gedən konteyner qatarının bir neçə platformasını relsdən çıxarmışdı. Hadisə nəticəsində xəsarət alan olmamışdı.
Trend.az
