Tarixin qaniçən hökmdarları: Anasını öldürən hökmdar
SizinYol.com bartarinha saytına istinadən tarixin ən qaniçən hökmdarlarından bəzilərini yada salır:
Belçika kralı 2-ci Leapold… Belçika kimin pulu ilə tikilib?
1865-1909-cu illərdə Belçika da hökümranlıq edib. 1884-1908-ci illərdə Konqo imperatoru kimi tanınıb. II Leopold əsasən Konqo əhalisinə qarşı insanlıqdan kənar əziyyətlər və soyqırımlarla tanınır. Onun hakimiyyəti illərində Belçika Konqo Respublikasını öz müstəmləkəsinə çevirdi və bütün təbii ehtiyatlarını qəsb etdi. Kongodan gələn gəlirlər ilə Belçikada əzəmətli binalar tikildi, Belçika varlanmağa başladı. II Leopoldun hökümranlığı dövründə Konqo əhalisinin sayl 20-30 milyondan 9 milyona kimi azalmışdır.
Atilla… “Tanrının qamçısı”
Atilla (406 – 453) “Avropa imperatoru” titulunu qazanmış Hun İmperiyasının hökmdarıdır. Atilla Avropa qitəsinin üçdə ikisindən çoxuna hakim oldu və dövlətin sərhədlərini Asiyaya qədər genişləndirdi. Hökmdarlığı boyunca ordusu ilə Qərbi və Şərqi Roma (bax Bizans) imperiyalarını tez-tez istila edən Atilla, Orta əsr salnamələrində qəddarlığı ilə xatırlanır. Avropa mənbələrində “Tanrının Qamçısı” ləqəbi ilə xatırlanır. Atilla 453-cü ildə arvadı tərəfindən öldürülüb.
Neron… Anasını öldürən hökmdar
Neron (37 – 68) Yulilər-Klavdilər sülaləsindən son Roma imperatorudur. Klavdi 54-cü ildə, 63 yaşında vəfat etdi və yerinə 17 yaşlı Neron gəldi. Antik müəlliflər Neronun qardaşını zəhərləyib öldürdüyünü iddia edirlər. Neron 59-cu ildə anasının ölüm əmrini verdi. Neron 67-ci ildə Sporus adlı gənc bir oğlanı xədim etdirərək onunla evləndi. Roma xalqı Neronun ölümündən sonra bayram etmişdi.
Fransisko Pizarro… İspaniyada doğulub, Peruya qan udduran hakim
Pizzaro (1457 – 1541) İnk imperiyasının fatehidir. İnk imperatoluğu indiki Peru, Ekvador, Boliviya, Cənubi Kolumbiya, Çilinin şimal ilə orta bölümləri və şimal-qərbi Argentinada yerləşib. Paytaxtı Kusko adlanıb. İspaniyada dünyaya gələn Pizarro İnk imperiyasını fəth edib, Perunun hakimi olub. Qaniçənliyi ilə tarixə düşüb.
İvan Qroznı… Oğlunu qətlə yetirən hökmdar
IV İvan Qroznı (1530 – 1584) Moskva və Rusiyanın knyazı, 1547-ci ildən Rusiya çarı olmuşdur. Özünü imperator adalndırmış ilk rus çarıdır. Müxtəlif bəhanələrlə gün ərzində 500-1000 nəfəri qətlə yetirdiyi iddia olunur. 1582-ci ildə oğlunu öldürüb. Moskvanı hasarlayıb, şəhər əhalisi icazəsiz şəhərdən çıxa bilməyib.
Pol Pot… Şəhərləri kəndə köçürən hökmdar
Pol Pot (1925 —1998) Kampuçiya Kommunist partiyasının baş katibi olub. Pol Potun başçılıq etdiyi “Qırmızı kxmerlər” tərəfindən şəhərlərin köçürülməsi prosesi 100 minlərlə insanın ölümü ilə nəticələndi. Kəndlərə köçürülmüş insanlar orada xəstəliklərdən və aclıqdan ölürdülər. Paytaxt Pnompenin əhalisi qısa bir müddət ərzində köçürülməyə başladı və 3 milyonluq şəhərdə artıq 20 min insan qalmışdır.
III Msvati… 14-cü izdivaca imza atan kral
Kral III Msvati 1986-cı ildən taxtda oturub. Svazilend Krallığının ömürlük kralıdır. Ölkənin 3,1 mln nəfər əhalisinin 25 faizi QİÇS (SPİD) xəstəliyinə yoxluxub. 21 yaşdan aşağılara evlənməyi qadağan edən kral özü 14-cü dəfə 18 yaşlı qızla evlənib.
Vlad Drakula… Xalqı payaya keçirən hökmdar
II Valaxiya hökmdarı Vlad Drakula (1431-1476) – III Vlad Tsepeş Transilvaniyanın (Şimal-Qərbi Rumıniya) kiçik Sigişoara şəhərciyində dünyaya gəlmişdir. Atası II Vlad vəfat etdikdən sonra hakimiyyət ona həvalə edilmişdi. “Drakula” (Əjdahanın oğlu) ləqəbini götürmüşdü. 23 min türk və bulqarın həyatına son qoymuşdu. Ölməzlik üçün insanların qanını içərdi. Osmanlı sultanı II Mahmut Paşa söyləmişdi ki, Drakula insanları payalardan keçirərdi. Bu səbəbdən ona “Tsepeş” (payaya keçirən) ləbəbi verilmişdir…
