Tel-Əvivdə Netanyahuya qarşı 175 min nəfər nümayiş keçirib
Xəbər mənbələri Tel-Əvivdə 175 mindən çox insanın sionist rejimin baş nazirinin təklif etdiyi məhkəmə sistemində islahat planına qarşı nümayiş keçirməsindən xəbər veriblər.
Xəbər mənbələri bildiriblər ki, 175 mindən çox insan Tel-Əvivdə sionist rejimin baş naziri Benyamin Netanyahunun təklif etdiyi məhkəmə sistemində islahat planına qarşı nümayiş keçirib.
Bu nümayiş minlərlə sionistin cümə axşamı günü Tel-Əvivdə sionist rejimin baş nazirinə və məhkəmə sistemində islahat planına dəstək nümayişi keçirərkən baş tutub.
Yayımlanan video görüntülərə görə, nümayişçilər küçə və yolları bağlayıb, məhkəmə sistemində islahatların davam etdirilməsini və ABŞ-ın bu işə qarışmamasını tələb ediblər.
Bu arada, çərşənbə günü axşam saatlarında Əl-Cəzirə xəbər kanalına müsahibə verən ABŞ Müdafiə Nazirliyinin sözçüsü İsraildəki son hadisələrdən narahat olduğunu bildirib və İsrail liderlərini fikir ayrılıqlarına son qoymağa və gərginliyi azaltmağa dəvət edib.
İbrani mediası çərşənbə axşamı (28 mart) bildirib ki, İsrailin baş naziri Benyamin Netanyahunun məhkəmə islahatlarının təsdiqi prosesini dayandırmaq barədə sözlərinə baxmayaraq, onun əleyhdarları küçələrdə etiraz aksiyalarını davam etdirirlər.
Sionist rejimin baş naziri bazar ertəsi günü bu rejimin məhkəmə sistemi ilə bağlı mübahisəli planının dayandırıldığını elan edib və deyib:
Mən məhkəmə sistemində dəyişiklik təklif etməyi dayandırmaq və dialoqa fürsət vermək qərarına gəldim.
O, daha sonra iddia edib ki, “zorakılıq tətbiq etməyə və alovu şölələndirməyə hazır olan və orduda əsgərlərin iştirak etməməsini tələb edən kiçik bir qrup var və İsrail ordusuz sabit qalmayacaq.”
Sionist media onun koalisiyasının bununla razılaşmadığını elan etdikdən sonra Netanyahu mübahisəli planının qanunvericilik prosesinin davamından geri çəkilib.
