“The Guardian” Bakını riyakarlıqda ittiham edib

“The Guardian” qəzeti Cop29-un sammiti ərəfəsində Azərbaycan Respublikası dövlətinin atəşkəs çağırışını ikiüzlülük adlandırıb. Məqalədə deyilir ki,“İqlim sammitinin ev sahibi özünü sülhməramlı kimi təqdim edir, lakin etnik təmizləmədə və dissidentləri həbs etməkdə ittiham olunur”.

“The Guardian” qəzeti öz məqaləsində Noyabrın 11-dən etibarən iki həftə ərzində Bakıda keçiriləcək Cop29 sammitində 180-dən çox ölkənin təmsil olunacağı xatırladır və sonra yazır:

“Konfrans müddətində, bir həftə əvvəl və ondan sonra Azərbaycan münaqişədə olan bütün ölkələri silahı yerə qoymağa çağırır həmçinin 15 Noyabrda xüsusi “sülh günü” keçirəcək.  

“Guardian” tərəfindən görülən atəşkəs müraciətinin sızdırılmış layihəsi Azərbaycanın özünü sülhməramlı kimi göstərdiyini göstərir. Lakin fəallar Azərbaycanın insan haqları ilə bağlı rekordunu və Ermənistanla bu yaxınlarda başa vurduğu müharibəni qeyd ediblər. Azərbaycanın ötən ilin sentyabrında hücuma başlamasından sonra mübahisəli Dağlıq Qarabağ bölgəsində 100 mindən çox insan didərgin düşüb”,- Məqalədə deyilir.

Qəzet  “Unilever”in keçmiş rəhbəri, hazırda iqlim fəalı və sülh kampaniyaçısı Pol Polmana istinadla yazır:  ““Cop atəşkəsi” ideyası Azərbaycanın diqqəti Dağlıq əraziyə qarşı etnik təmizləmədən yayındırmaq məqsədi ilə həyata keçirdiyi dərin kinli piardır.”

“Əgər Prezident [İlhan] Əliyev [Azərbaycanı] həqiqətən də nümunə göstərmək istəyirsə, başqalarını hərəkətə keçməyə çağırmaq əvəzinə, o, Azərbaycanın qalıq yanacaq iqtisadiyyatını karbonsuzlaşdırmağı və həbs etdiyi 300-dən çox siyasi məhbusu Cop29 başlamazdan əvvəl azad etməyi öhdəsinə götürməlidir. ”

Qəzet həbsdə olan Qubad İbadoğlunun oğlu İbad Bayramovla müsahibəni də dərc edib:  “Hökumətin son atəşkəs çağırışı xarici hökumətlərin diqqətini yerdəki sərt reallıqlardan yayındırmağa yönəlmiş uydurmadan başqa bir şey deyil”, İbad Bayramov deyib.

O Cop-29 ərəfəsində siyasi məhbusların məhkəməsinin dondurulduğunu iddia edib.