Tornado “Pfizer”in əczaçılıq zavodunu dağıdıb
ABŞ-nin Şimali Karolina ştatında tornado “Pfizer”in əczaçılıq zavoduna ciddi ziyan vurub.
APA-nın CNN-ə istinadla məlumatına görə, daha bir neçə binaya ziyan dəyib. Böyük dövlətlərarası avtomobil yolu bağlanıb. Təbii fəlakət nəticəsində azı 4 nəfər xəsarət alıb.
ABŞ Milli Meteoroloji Xidmətinin məlumatına görə, tornado ən azı EF-2 kateqoriyasından olub, sürəti 217 km/saata çatıb.
Yaralılar xəstəxanaya yerləşdirilib.
Apa.az
