Tovuzda şəhid çavuşla vida mərasimi keçirilib – FOTOREPORTAJ

Tovuz rayonu istiqamətində düşmənin növbəti təxribatı nəticəsində Azərbaycan Ordusunun şəhid olmuş kiçik çavuşu, 1982-ci il təvəllüdlü Elşən Əli Oğlu Məmmədovun nəşi doğulduğu Tovuz rayonunun Qazıqulu kəndinə gətirilib.
SalamNews-un məlumatına görə, Qazıqulu kəndinə şəhidlə vida mərasimi keçirilib.
Mərasimdə şəhidin ailə üzvləri, döyüş yoldaşları və rayon sakinləri iştirak ediblər.
Qeyd edək ki, sentyabrın 21-də Ermənistan-Azərbaycan dövlət sərhədinin Tovuz rayonu istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu kiçik çavuş Məmmədov Elşən Əli oğlu şəhid olub.









