Tramp: İran və digər ölkələrin nüvə silahı əldə etməsinə icazə verməyəcəyik

ABŞ prezidenti Donald Tramp bir daha İran İslam Respublikasına qarşı maksimum təzyiq siyasətinə işarə edərək, bunun sülhün bərqərar olmasına yönəldiyini və Vaşinqtonun Tehran və digər ölkələrin nüvə silahı əldə etməsinə icazə verməyəcəyini iddia edib.

ABŞ prezidenti Donald Tramp çərşənbə gecəsi yerli vaxtla Florida ştatının Mayami şəhərində keçirilən “Gələcək İnvestisiya Təşəbbüsləri” toplantısında Yaxın Şərqdə sabitlik və sülhün olması lazım olduğunu iddia edib və bu səbəbdən sülhün bərqərar olması üçün İrana qarşı maksimum təzyiq siyasətini bərpa edib və “Husiləri” (Yəmən Ənsarullahı) terror qruplaşmaları siyahısına salıb.

Tramp deyib: Biz sülhün bərqərar olması üçün yenidən İrana qarşı maksimum təzyiq siyasətini tətbiq etdik. Biz İran da daxil olmaqla ölkələrin nüvə silahına malik olmasına icazə verə bilmərik.

Amerika Birləşmiş Ştatlarının prezidenti iddia etdi: Mən bütün dünyada, o cümlədən Yaxın Şərqdə müharibələrə son qoymaq üçün hərəkətə keçirəm. Qəzzada olan bütün girovları geri qaytaracağıq.