Trampın müsəlmanlara tətbiq etdiyi qadağa ləğv olunacaq
ABŞ-ın yeni prezidenti Cozef Bayden sələfinin bir neçə müsəlman ölkəsinin vətəndaşlarına qarşı səfərlərə və immiqrasiyaya tətbiq etdiyi qadağanı ləğv edəcək.
Az.shafaqna.com “Arabnews”a istinadla xəbər verir ki, Trampın sözügedən qərarı dünya əhalisinin 7 faizini əhatə edirdi.
Qeyd edək ki, Cozef Bayden dəfələrlə Trampı “islamofobiyanın həyasızcasına artırılmasında” ittiham etmişdi. Ötən ilin iyulundakı çıxışında Bayden müsəlman icmaların Trampın irqçi siyasətini ilk olaraq duyduqlarını demişdi.
Xatırladaq ki, 2018-ci ildə İran, Liviya, Somali, Suriya və Yəmən vətəndaşlarının ABŞ-a səfər etməsi məhdudlaşdırılıb.
Iqna.ir
