Türkiyə Ermənistanla hava nəqliyyatına qoyulan qadağanı ləğv edib
İrəvan bəyan edib ki, Türkiyə bu ölkəni Ermənistanla hava nəqliyyatına qoyulan qadağanın ləğvi barədə məlumatlandırıb.
Ermənistan Xarici İşlər Nazirliyinin sözçüsü Vahan Hunanian cümə günü Türkiyənin Ermənistana qarşı hava nəqliyyatına qoyulan qadağanı ləğv etmək qərarını açıqladığını bildirib.
Cümə günü “Haber Türk” xəbər kanalı da Türkiyə diplomatik mənbələrinə istinadən xəbər verib ki, yanvarın 1-dən Ermənistanla Türkiyə arasında hava nəqliyyatı mümkün olub.
O, əlavə edib: “Türkiyə hava nəqliyyatı qadağasının sona çatması barədə Ermənistanı məlumatlandırıb.”
Bundan əvvəl Ermənistan prezidenti bildirib ki, İrəvan həmişə Türkiyə ilə münasibətlər qurmağa və sərhədləri “ilkin şərt olmadan” açmağa razı olub.
“Təəssüf lə vurğulamalıyam ki, onilliklər ərzində Bakıya bir növ xidmət kimi sərhədlərin açılması və münasibətlərin normallaşdırılması üçün ilkin şərtləri Türkiyə irəli sürüb.” – Ermənistan prezidenti bildirib.
O əlavə edib ki, yeni onilliyin əvvəlində və 2008-2009-cu illərdə Ermənistan və Türkiyənin münasibətlərində əsaslı dəyişikliklər etmək və normallaşmaya doğru getmək imkanı olub, lakin bu imkanlardan tam istifadə olunmayıb.
Münasibətlərin qurulması üçün ilkin şərtə qarşı olduğunu bildirən Ermənistan prezidenti əlavə edib ki, Ermənistan Türkiyə ilə əlaqələr qurmağa və qonşuları ilə problemləri həll etməyə ümid edir.
Bakı ilə İrəvan arasında ikinci Qarabağ müharibəsi zamanı Türkiyə Azərbaycan Respublikasına güclü dəstək verdi.
Türkiyənin xarici işlər naziri Mövlud Çavuşoğlu bu yaxınlarda bildirib ki, ölkəsi Ermənistanla münasibətləri normallaşdırmaq üçün istənilən yolu alqışlayır.
Çavuşoğlu türkdilli ölkələrin xarici işlər nazirlərinin görüşündə Ermənistan rəsmiləri ilə görüşmək və iki ölkə arasında münasibətlərin normallaşdırılmasını müzakirə etmək üçün hər fürsətdən istifadə etməyə hazır olduğunu bildirib.
Türkiyənin xarici işlər naziri əlavə edib ki, Azərbaycan Respublikası ilə Ermənistan arasında münasibətlərdə hər hansı müsbət addım mütləq Ankara ilə İrəvan arasındakı münasibətlərdə öz əksini tapacaq.
