Türkiyə və Ermənistan Xarici Işlər nazirləri münasibətləri yaxşılaşdırmaq üçün görüşüb

Türkiyə və Ermənistanın münasibətləri yaxşılaşdırmaq səylərindən sonra iki ölkənin Xarici Işlər nazirləri Antalyada görüşüblər.

Türkiyənin Xarici Işlər naziri Mövlud Çavuşoğlu və Ermənistan Xarici İşlər naziri Ararat Mirzoyan onilliklər davam edən düşmənçilikdən sonra münasibətlərin yaxşılaşdırılması səyləri çərçivəsində bu gün (şənbə) Türkiyənin cənubunda görüşüblər.

“Əl-Ərəbiyyə”nin məlumatına görə, iki nəfər Antalya Diplomatik Assambleyasının iclası çərçivəsində görüşüb. Türkiyənin 1990-cı illərdən bəri Ermənistanla diplomatik və ya ticari əlaqələri yoxdur, lakin iki tərəf 2009-cu ildə heç vaxt ratifikasiya olunmayan sülh sazişindən sonra münasibətləri bərpa etmək üçün yanvar ayında danışıqlar aparıb.

İki ölkə arasında bir neçə məsələdə fikir ayrılığı var və bunlardan ən mühümü Ermənistanın 1915-ci ildə Osmanlı İmperiyası tərəfindən öldürüldüyünü dediyi 1,5 milyon insandır.

Ermənistan bunu soyqırım adlandırır, Türkiyə isə I Dünya Müharibəsi zamanı Osmanlı İmperiyasında yaşayan çoxlu erməninin Osmanlı qüvvələri ilə toqquşmalarda öldürüldüyünü etiraf edir, lakin bu rəqəmlərə etiraz edərək qətlləri sistematik və ya soyqırım hesab etmir.

Türkiyə ilə Ermənistan arasında gərginlik 2020-ci ildə Dağlıq Qarabağ bölgəsi ilə bağlı Bakı-İrəvan müharibəsi zamanı da artıb.

İki ölkə yanvar danışıqlarını müsbət və konstruktiv adlandırıb, münasibətlərin canlanması və sərhədlərin açılması perspektivi yaradacağını bildiriblər.