Türkiyə və İran prezidentləri arasında müzakirə edilən məsələlər açıqlanıb
“İran rəsmiləri ilə hərbi, siyasi və regional məsələləri müzakirə etdik”.
“Report” xəbər verir ki, bunu Türkiyə Prezidenti Rəcəb Tayyib Ərdoğan İran Prezidenti İbrahim Rəisi ilə keçirdiyi birgə mətbuat konfransında bildirib.
“Biz 30 milyard dollarlıq hədəfimizə çata bilmədik. Buna pandemiya mane oldu. Hazırda ticarət dövriyyəmiz 7,5 milyard dollar olub. Biz 30 milyard dollara yetişəcəyik. Müdafiə sənayesində bu hədəfə çatmaq mümkündür. Neft və təbii qaz sahəsində atacağımız addımlarla da bu hədəfə yetişmək mümkündür”, – Türkiyə lideri vurğulayıb.
Report.az
