Türkiyədə mikroavtobus qəzaya uğrayıb, 17 nəfər xəsarət alıb
Türkiyədə ağır yol qəzası olub.
Bu barədə “Report” “Haber Global”a istinadən xəbər verir.
Məlumata görə, hadisə Ordu əyalətində qeydə alınıb. Ulubey rayonunda mikroavtobusla minik avtomobili toqquşub. Qəza zamanı 17 nəfər xəsarət alıb.
Hadisə yerinə təcili yardım, hüquq-mühafizə orqanlarının əməkdaşları, xilasedicilər cəlb edilib.
Yaralılar xəstəxanaya çatdırılıb.
Hadisə ilə bağlı araşdırma aparılır.
Report.az
