Türkiyədə traktorla avtomobil toqquşub, 4 nəfər ölüb
Türkiyənin Şanlıurfa bölgəsində baş verən yol-nəqliyyat hadisəsi nəticəsində 4 nəfər ölüb.
“Report” xəbər verir ki, məlumatı “Haberturk” yayıb.
Bildirilib ki, hadisə Şanlıurfa-Gaziantep avtomobil yolunun 21-ci km-liyində baş verib. Məlumata görə, hadisəyə səbəb içərsində 4 sərnişin olan avtomobilin traktorun qoşqusu ilə toqquşması olub. Qəzada avtomobilin sürücüsü də ölüb.
Traktorun sürücüsü saxlanılıb.
