Türkiyənin yüksək rütbəli nümayəndə heyəti sionist rejim Prezidenti ilə görüşüb

İşğal altındakı Fələstinə səfər edən yüksək rütbəli Türkiyə rəsmilərindən ibarət nümayəndə heyəti İsrail Prezidenti və digər rəsmi şəxslərlə görüşüb.

Türkiyə Prezidentinin sözçüsü və baş müşaviri İbrahim Kalın və Türkiyə Xarici İşlər nazirinin müavini Sədat Ünalın başçılıq etdiyi yüksək rütbəli Türkiyə nümayəndə heyəti cümə axşamı axşam saatlarında işğal olunmuş Fələstinə gəlib.

Nümayəndə heyəti dünən əvvəlcə sionist rejimin Xarici İşlər naziri vəzifəsini icra edən Alon Ospitz və Prezident aparatının rəhbəri Eyal Şveyki ilə görüşüb.

Xarici İşlər Nazirliyi və sionist rejimin iqamətgahında keçirilən görüşlərdə tərəflər İshaq Hersoqun Türkiyəyə səfərinə hazırlığı, ikitərəfli əlaqələri, eləcə də müxtəlif regional problemlər müzakirə ediblər.

Hersoq öz ofisində Türkiyə nümayəndə heyətinin Şveyki ilə görüşünə qatılıb, Kalın və Türkiyə nümayəndə heyətinin digər üzvləri ilə görüşüb.

Bundan əvvəl Türkiyə Prezidenti Rəcəb Tayyib Ərdoğan İsrail Prezidentinin bu ölkəyə səfərini yüksək qiymətləndirərək, bunun Ankara-Tel-Əviv münasibətlərinin yaxşılaşmasına kömək edəcəyini iddia etmişdi.

Həmçinin, İsrail Prezidentinin ölkəyə səfərinin fevralın əvvəlində baş tutacağını bildirərək, bu səfərin ikitərəfli münasibətlərdə yeni mərhələnin başlanğıcı olacağını bildirmişdi.

Bir neçə gün əvvəl Türkiyənin Xarici işlər naziri son on üç ildə ilk dəfə olaraq sionist rejimdəki həmkarına zəng edərək onun Korona virusuna yoluxduqdan sonra vəziyyəti ilə maraqlanıb.

Tel-Əvivin Ankaradakı keçmiş səfiri Pini Avivi bu yaxınlarda bildirib ki, Türkiyə Prezidenti ciddi şəkildə Tel-Əvivlə münasibətləri normallaşdırmağa və iqtisadi əlaqələri qorumağa çalışır.

Türkiyə və sionist rejim 2018-ci ilin may ayından və Ankara sionistlərin Qəzzə zolağına hücumlarını artırmaq bəhanəsi ilə İsrail səfirini ölkədən çıxardıqdan və Trampın səfirliyi Tel-Əvivdən işğal olunmuş Qüdsə köçürmək qərarından sonra, onların səfirləri yox idi.