Uçuşda yeni dövr: Ayaqüstü yerləri olan təyyarələr istifadəyə verilir
Ayaqüstü yerləri olan təyyarələr 2026-cı ildə istifadəyə verilə bilər.
“Skyrider 2.0” oturacaq konsepsiyası ilə aşağı büdcəli aviaşirkətlər təyyarələr daha çox sərnişin daşıya biləcək.
2018-ci ildə İtaliyanın “Aviointeriors” şirkəti Hamburqda keçirilən “Aircraft Interiors Expo-2018” sərgisində aşağı büdcəli aviaşirkətlər üçün nəzərdə tutulmuş yeni oturacaq konsepsiyasını təqdim etmişdi.
Son məlumatlara əsasən, velosiped stilində, sərnişinlərin tam oturmadan — yarı-vertikal vəziyyətdə səyahət etdiyi bu yumşaq oturacaqlar təhlükəsizlik tələblərinə cavab verir və müvafiq qiymətləndirmədən keçib.
Bu oturacaqlar təyyarələrin sərnişin tutumunu 20% artıracaq və təxminən iki saatlıq uçuşlarda gələn ildən istifadəyə veriləcək.
