Ukrayna İrana bu ölkəyə tibbi heyət göndərdiyinə görə təşəkkür edib
Ukraynanın Xarici İşlər naziri iranlı həmkarı ilə telefon danışığını elan edib və İrana Ukraynaya həkim briqadası göndərdiyinə görə təşəkkür edib.
Bu gün (çərşənbə) Ukraynanın Xarici İşlər naziri Dmitri Koliba iranlı həmkarı ilə telefon danışığı barədə tvitter hesabında yazıb.
O, bununla bağlı yazıb: “Xarici işlər naziri Hüseyn Əmir Abdullahiyan ilə telefon danışığım olub. İran Rusiyanın Ukraynaya qarşı müharibəsinə qarşıdır və diplomatik həll yolunu dəstəkləyir.
“Xarici İşlər naziri Əmir Abdullahiyana İran şirkətlərinin köməyi ilə Rusiyaya silah göndərilməsi ilə bağlı iddiaları rədd etdiyinə, eləcə də Ukraynaya tibbi heyət göndərdiyinə görə təşəkkür edirik.”
Bu, Ukrayna böhranı başlayandan bəri Əmir Abdullahiyan və Koliba arasında ikinci telefon danışığıdır və iki Xarici İşlər naziri bundan əvvəl martın 14-də danışmışdılar.
Əvvəlki danışıqlarda tərəflər Ukrayna böhranı, diplomatik obyektlərin qorunması zərurəti, humanitar yardımın çatdırılması və ikitərəfli məsələləri müzakirə ediblər.
İran İslam Respublikasının Xarici İşlər naziri həmin söhbətdə İranın müharibəyə qarşı çıxma mövqeyini və siyasi həll yolu və diplomatik dialoqa diqqət yetirilməsinin vacibliyini açıqlayıb.
Əmir Abdullahiyan Ukrayna böhranının köklərinə toxunaraq deyib: İran İslam Respublikası bu böhranın həlli üçün istənilən siyasi səyi dəstəkləyir. Biz ikili yanaşma və Ukraynada, Əfqanıstanda, Yəməndə və digər ölkələrdə müharibənin
əleyhinəyik.
