Ukraynadakı Rusiya ordusunda YARPAQ TÖKÜMÜ: “”Top yemi” olmaq istəmirik”
Publika.az xəbər verir ki, bu barədə “Guildhall” məlumat yayıb .
“Təsdiqlənmiş mənbə “Guildhall” xəbər agentliyinə Ukraynada döyüşən və dislokasiya yerlərinə qayıdan rus hərbçilərinin reportlarının fotolarını təqdim edib. Ukraynada sağ qalan Rusiya Federasiyasının hərbçiləri kütləvi şəkildə döyüş bölgələrinə qayıtmaqdan imtina etdikləri barədə raport yazırlar”, – mənbə bildirib.
Nəşrin redaksiyasına tam tərkibdə Ukraynaya gələn RF Silahlı Qüvvələrinin Mərkəzi Komandanlığının “41 A” saylı hərbi hissəsinin qulluqçularının müvafiq hesabatları daxil olub. İmtina səbəbləri arasında əsgərlər “top yemi” kimi istifadə olunmaq istəmədikləri, onlara Ukraynada hərbi əməliyyatın səbəblərinin izah edilməməsi, texniki dəstəyin və komandanlıqla əlaqənin olmaması və s. var.
Çavuş Mirapov Sapar Merdanoviç “61899” saylı hərbi hissə komandirinin məruzəsində göstərir: Oraya nə üçün lazım olduğumu anlamadan, tapşırıq izah edilmədən gəldim. Mən “top yemi” olmaq istəmirəm”, – çavuş Mirapov hesabatda bildirib.
Öz növbəsində, Motoatıcı Rotanın 3-cü tağımının 2-ci diviziyasının komandiri kiçik çavuş Aleksandr Aleksiyeviç Puqaçov 3-cü motoatıcı batalyonunun komandirinə məlumat verib ki, Ukraynada döyüş əməliyyatlarının koordinasiyası ilə yenidən iştirak etməkdən imtina edir. Buna səbəb bölmə və komanda ilə heç bir əlaqənin olmamasıdır.
9-cu motoatıcı rotasının 2-ci motoatıcı tağımının komandiri leytenant Eqorov qeyd edir ki, biz lap əvvəldən yalan, qarşımızda duran əsl məqsəd və vəzifələrin gizlədilməsi ilə üzləşmişik:
“Müxtəlif və anlaşılmaz məşqlər, təlim və döyüş tapşırıqları tamamilə fərqli tədbirləri nəzərdə tuturdu. Ukrayna sərhəddini keçməklə həm dünyanın, həm də slavyan ictimaiyyətinin gözündə özümüzü tamamilə nüfuzdan saldıq. O andan etibarən hərəkətlərimiz işğal xarakteri daşıyırdı”.
Publika.az
