Xaçmazda 86 yaşlı kişi itini bu səbəbə görə asaraq öldürübmüş – VİDEO

Xaçmaz rayonunun Gödəkli kəndində it qarajdan asılıb.

BAKU.WS-in Xezerxeber.az-a istinadla məlumatına görə, bununla bağlı sosial şəbəkələrdə yayılan görüntü istifadəçilərin narazılığına səbəb olub. İnsanlar itin amansızlıqla asılaraq öldürülməsini tənqid ediblər.

İtə qarşı rəhmsiz davranan 86 yaşlı Balasoltan Daşdəmirov polis şöbəsinə çağırılıb.

Balasoltan Daşdəmirovun həyat yoldaşı bildirib ki, sahibsiz it onların evinə soxulub. İt anbarda bəzi ərzaq məhsullarını yeyib, dagıdıb və yararsız hala salıb.

Balasoltan Daşdəmirov isə deyib ki, o, iti zərərsizləşdirmək məqsədi ilə bağlayıb. Onu öldürmək fikri olmayıb.

Polis əməkdaşlarına izahat verən Balasoltan Daşdəmirov 500 manat məbləğində cərimə edilib.

Mövzu ilə bağlı daha ətraflı videomaterialı təqdim edirik:

BAKU.WS