Ümumdünya Səhiyyə Təşkilatı: Qəzzadakı xəstəxanaların təxminən üçdə ikisi sıradan çıxıb

Ümumdünya Səhiyyə Təşkilatı çərşənbə axşamı Qəzzada xəstəxanaların təxminən üçdə ikisinin sıradan çıxdığını elan edib.
Ümumdünya Səhiyyə Təşkilatı Qəzza zolağında fəaliyyət göstərən 72 tibb mərkəzindən 46-nın sıradan çıxdığını bildirib.
Ümumdünya Səhiyyə Təşkilatının məlumatına görə, bu 72 tibb mərkəzi arasında 35 xəstəxana var, onlardan 12-si fəaliyyətini dayandırmaq məcburiyyətində qalıb.
Fələstin səhiyyə sisteminin rəsmiləri bildiriblər ki, Qəzzanın tam mühasirəyə alınması nəticəsində elektrik enerjisi və enerji generatorları üçün yanacağın olmaması, həmçinin hava hücumları nəticəsində dəyən ziyan bu tibb mərkəzlərinin bir çoxunun bağlanmasına səbəb olub.
Qəzza Səhiyyə Nazirliyi çərşənbə axşamı bildirib ki, İsrailin döyüş təyyarələrinin Qəzza zolağına hücumları nəticəsində son sutka ərzində 700-dən çox insan həlak olub.
Yahoo News-un məlumatına görə, İsrailin bölgəyə qarşı tam blokada elan etməsindən sonra Qəzzada 2,3 milyonluq əhalinin qida, su və dərmana ciddi ehtiyacı var.
Bazar ertəsi Qəzzəyə kiçik bir humanitar yardım karvanı gəlib, lakin gətirilən yüklərdə insan haqları qruplarının Qəzza xalqı üçün vacib olduğunu söylədiyi şeylərin yalnız az bir hissəsi olub.
Ümumdünya Səhiyyə Təşkilatının bəyanatında deyilir: “Təhlükəsizlik zəmanətlərinin olmaması səbəbindən Ümumdünya Səhiyyə Təşkilatı Qəzzanın şimalındakı böyük xəstəxanalar arasında yanacaq və zəruri sağlamlıq və həyat xilasedici avadanlıq paylaya bilmir.”
Bəyanatın davamında deyilir: “Ümumdünya Səhiyyə Təşkilatı avadanlıq və yanacağın Qəzza zolağının hər yerində təhlükəsiz şəkildə paylanması üçün təcili humanitar atəşkəsə çağırır.”
Birləşmiş Millətlər Təşkilatının bu orqanının elanına görə, avadanlıq və yanacaq göndərilməsi lazım olan xəstəxanalar arasında çarpayı sayı öz xəstəxana çarpayılarından 1,5 dəfə çox olan Əş-Şəfa xəstəxanası da var.
Ötən gecə Qəzzadakı İndoneziya xəstəxanası yanacaq çatışmazlığı səbəbindən bağlanmağa məcbur olub və hazırda məhdud imkanlarla işləyir.
Qəzzada xərçəng diaqnozu qoyulan yeganə xəstəxana olan Türkiyə Dostluq Xəstəxanası da yanacaq çatışmazlığı səbəbindən işinin bir qismini dayandıraraq 2000 xərçəng xəstəsinin həyatını riskə atıb.
Xəsarət üzündən bağlanmaq məcburiyyətində qalan xəstəxanalarla yanaşı, 6-ya yaxın xəstəxana da yanacaq çatışmazlığı səbəbindən fəaliyyət göstərmir.