Xərçəngin müalicəsində ən son yeniliklər – “Gümüş güllə” hazırlanır
Publika.az xəbər verir ki, onkoloq Vadim Qutnik xərçəng müalicəsi üçün universal həblərin yaradılması perspektivindən danışıb.
“Biz buna “gümüş güllə” deyirik. Onun yaradılması mümkündür, arzuolunanı təqdim etmək alimlərə xasdır. Elmdə çox şey empirik şəkildə, yəni “dürtmə” üsulu ilə ortaya çıxır. Bəşəriyyət insan genomu haqqında biliklərə sahib olmağa başladıqdan sonra xərçəng hüceyrəsinin genomunun deşifrə edilməsi prosesi mənə olduqca yaxın görünür”, – həkim OSN-ə müsahibəsində izah edib.
Amerika alimlərinin irəliləyişi ilə bağlı Qutnik qeyd edib ki, həqiqətən də onların kəşfi inqilabi ola bilər. Lakin onun sözlərinə görə, bu o demək deyil ki, dərman sabah piştaxtalarda satışa çıxarılacaq:
“Bəli, xərçəng fərqlidir. Molekuldan rəfdəki dərmana gedən yol orta hesabla 10 il davam edir. Klinik sınaqlar, müxtəlif mərhələlər olmalıdır. Əlbəttə ki, bəzi hallarda biz buna məhəl qoymuruq, məsələn, pandemiyanı dayandırmaq üçün kovid peyvəndi hazırlananda. Çoxlarının buna münasibəti fərqli olsa da, kimyaterapevt və onkoloq kimi arzum odur ki, həqiqətən də xərçəngin belə bir müalicəsi ortaya çıxsın və mən işsiz qalım. Məmnuniyyətlə pediatriyaya qayıdaram”, – həkim yekunda bildirib.
Publika.az
