Xarici işlər naziri: Amerika seçkilərinin nəticəsi bizim üçün önəmli deyil
Seyid Abbas Əraqçi deyib: Biz regionda gərginliyin artmasına ümid etmirik, lakin İsrailin istənilən təcavüzünə cavab verməkdə özümüzü haqlı hesab edirik.
İranın xarici işlər naziri Seyid Abbas Əraqçi ilə Almaniyanın “Spiegel” qəzeti arasında söhbətin ən mühüm məqamları bunlardır:
Cəmşid Şarməhd həbs olunmazdan əvvəl televiziya müsahibələrində etdiyi hərəkətləri etiraf edib və bununla fəxr edib. O, beşi qadın, ikisi uşaq olmaqla 14 İran vətəndaşının qatilidir. Əgər alman hakimiyyəti və cəmiyyəti cənab Şarməhdin alman olduğunu düşünürsə, onun alman terrorçusu olduğunu qəbul etməlidir. Təbii ki, bizim nöqteyi-nəzərimizdən o, iranlı idi, çünki biz ikili vətəndaşlığı qəbul etmirik.
– Şarməhd iranlı kimi həbs edilib və İrana gətirilib və İran qanunlarına əsaslanan ədalətli mühakimə olunaraq ölümə məhkum edilib.
– Hazırkı Almaniya hökuməti bütün insan haqları standartlarını pozub. Siz sionist rejimə alman silahlarını göndərmək və Qəzza və Livan xalqlarının qətlində iştirak etməkdən əlavə, 14 nəfərin ölümündə məsuliyyət daşıyan terrorçuya da dəstək verirsiniz.
– Avropanın özünü ədalətin təcəssümü hesab etməsi və digər məhkəmələri ədalətsiz hesab etməsi, insan zəkasına təhqirdir.
O əlavə etdi: Siz özünüz məni təxminən 20 dəqiqədir ki, terrorçunun ölümü ilə bağlı sorğu-sual edirsiniz, halbuki biz Almaniyada Qəzzada 50 min insanın ölümü ilə bağlı bu bir nəfərin ölümü qədər heç bir tədbir görməmişik. Qəzzada öldürülən 50 min insan üçün Şarməhd üçün hay-küy saldığınız qədər hay-küy salmadınız.
– Qəzzada 50 min insan İsrail rejimi tərəfindən öldürüldü və biz Almaniya hökumətinin qınama bildirişi verdiyini, İnsan Haqları Şurasına qərar təqdim etdiyini, İsrail rejiminə qarşı sanksiyalar tətbiq etdiyini və ya Qüdsün işğalçısı olan rejimin ofislərini bağladığını belə görmədik. Bütün bunlar ikili standartlardır.
– Fələstin xalqı almanların yəhudilərə etdiklərinə görə cəzalandırılmamalıdır.
– HƏMAS və Hizbullah ədalətli məqsədlər uğrunda mübarizə aparan müstəqil və azadlıq hərəkatlarıdır.
– İsrail bu atəşfəşanlığı davam etdirsə, mütləq uyğun cavab alacaq.
– Amerika seçkiləri bizim üçün önəmli deyil, biz öz siyasətimizlə gedirik.
– Biz regionda gərginliyin artmasının ardınca deyilik, lakin İsrailin istənilən yeni təcavüzünə cavab verməkdə özümüzü haqlı hesab edirik.
– Biz yalnız öz maraqlarımızdan çıxış edirik və Amerika seçkiləri və başqa heç bir faktor bizim milli maraqlarımıza təsir etmir.
