Xarici İşlər Nazirliyi: İran əleyhinə qətnamənin Hakimlər Şurasında qəbul edilməsi qeyri-konstruktivdir

İran İslam Respublikasının Xarici İşlər Nazirliyi Beynəlxalq Atom Enerjisi Agentliyinin (MAQATE) Hakimlər Şurasının iclasında İrana qarşı qətnamənin qəbulunu kəskin şəkildə pisləyib və bunu qeyri-konstruktiv və bəzi Qərb ölkələrinin müstəqil ölkələrə qarşı beynəlxalq mexanizmlərdən siyasi sui-istifadə etmək cəhdi adlandırıb.

İran İslam Respublikası Xarici İşlər Nazirliyinin 5 iyun 2024-cü il tarixli bəyanatında MAQATE-nin Hakimlər Şurasının iclasında bir sıra ölkələrin İran əleyhinə qətnamə qəbul etməsini qətiyyətlə pisləyib.

Bu bəyanatda deyilir: İran İslam Respublikası bu qətnamənin təqdim edilməsini və təsdiqini siyasi və qeyri-konstruktiv hərəkət və bəzi Qərb ölkələrinin əvvəlki uğursuz siyasətlərinin davamı və beynəlxalq mexanizmlərdən müstəqil ölkələrə qarşı siyasi sui-istifadə cəhdi kimi qiymətləndirir.

Xarici İşlər Nazirliyi bu bəyanatda əlavə edib: İran İslam Respublikası Nüvə Silahlarının Yayılmaması Müqaviləsi və Mühafizə Müqaviləsinə əsaslanan beynəlxalq hüquq və öhdəlikləri çərçivəsində Beynəlxalq Atom Enerjisi Agentliyi ilə texniki əməkdaşlığı davam etdirmək əzmindədir.

Bu bəyanatda deyilir: Bu qətnamənin verilməsi İran İslam Respublikasının nüvə enerjisindən dinc məqsədlərlə istifadəsini

davam etdirmək və ölkənin müvafiq beynəlxalq müqavilələrdəki hüquqlarına uyğun olaraq nüvə inkişaf planlarından faydalanmaq iradəsinə heç bir təsir göstərməyəcək.