Xarici İşlər Nazirliyinin ABŞ prezidentinin İrana qarşı təxribatçı və əsassız açıqlaması ilə bağlı bəyanatı

İran İslam Respublikasının Xarici İşlər Nazirliyi ABŞ prezidentinin 13 may çərşənbə axşamı günü İranla bağlı bəyanatlarını yalan, təfriqə və çaşdırıcı iddialar kimi pisləyir.

Sionist rejim Amerikanın vəkili kimi işğal olunmuş Fələstində ən iyrənc müstəmləkəçi soyqırımı ilə məşğul olduğu, digər iki Ərəb və İslam ölkəsinin ərazilərini də hərbi yolla işğal etdiyi, dəfələrlə Livan, Suriya, Yəmənin milli suverenliyini və ərazi bütövlüyünü pozduğu, terror aktları və müharibə cinayətləri törətdiyi bir halda, ABŞ prezidenti həyasızcasına İranı bu ölkələrin məhvinə görə məsuliyyət daşımaqda ittiham edir.

Həqiqətin bu cür təhrif edilməsi – regionda mövcud reallıqların açıq-aşkar tərsinə çevrilməsinə əsaslanır – sionist rejimin Qəzzədə törətdiyi soyqırımı, Livan, Suriya və Yəməndəki digər cinayətlərini pərdələmək məqsədi daşıyır və bu, Amerika siyasətçilərinin region xalqlarına qarşı aldadıcı və təhqiredici yanaşmasının və bu rejimin region xalqlarına qarşı törədilmiş cinayətlərə görə cavabdehlik daşımasının qarşısını almaqda israrlı olmalarının bir daha əlamətidir.

ABŞ prezidentinin aldadıcı və təhqiredici açıqlamaları heç bir şəkildə iranlıların ölkə daxilində və xaricində milli həmrəyliyini poza bilməz.

Bu cür açıqlamalar heç vaxt bu həqiqəti dəyişmir ki, son yeddi onillikdə ABŞ hökumətləri İranın tərəqqi və inkişafına mane olmaq üçün heç bir pislikdən əl çəkməyiblər, tətbiq olunan müharibə zamanı keçmiş rejimə və Səddamın cinayətkar rejiminə hərtərəfli dəstək verməklə yanaşı, hər bir iranlının insan hüquqlarının kobud şəkildə pozulmasına səbəb olan ən ağır sanksiyaları, iqtisadi və maliyyə təzyiqlərini də tətbiq ediblər.

ABŞ prezidentinin bölgədə olması və təfriqə xarakterli və aldadıcı bəyanatlar səsləndirməsi ilə eyni zamanda, Qəzzədə və İordan çayının qərb sahilində fələstinli qadın və uşaqların ABŞ-ın bağışladığı silahlarla ən faciəli şəkildə öldürülməsi, Fələstin xalqına qarşı soyqırım planının bu regionda görünməmiş intensivliyi, ABŞ-ın siyasi dəstəyi və birbaşa maliyyə dəstəyi ilə davam etməsi faktını region və dünya xalqları heç vaxt unutmayacaq.

Şübhəsiz ki, ABŞ prezidentinin təfriqə yaradan açıqlamaları İran və Ərəb qonşuları arasında nifaq salmaq və Amerikanın sionist rejimin cinayətlərində bilavasitə rolunu ört-basdır etmək niyyəti ilə baş tutub. Bununla belə, İran İslam Respublikası və region ölkələri ABŞ və sionist rejimin bəd niyyətləri və şər keçmişini bildiyi üçün, üçüncü tərəflərin təfriqəçi yanaşmalarından təsirlənmədən region xalqları arasında dostluq əlaqələrini möhkəmləndirmək yolunda davam edəcəklər.