Xorvatiyada baş verən güclü zəlzələdən sonra Sloveniyada nüvə stansiyasının fəaliyyəti dayandırılıb
Sloveniya həmsərhəd olduğu Xorvatiyada güclü zəlzələdən sonra Krsko Nüvə Elektrik Stansiyasının fəaliyyətini müvəqqəti olaraq dayandırıb.
APA-nın məlumatına görə, bu barədə “Teletrader” portalı məlumat yayıb.
Xatırladaq ki, bu gün Xorvatiyanın paytaxtı Zaqreb şəhərində 6.4 bal gücündə zəlzələ olub. Zəlzələ nəticəsində Zaqreb şəhərinin bir hissəsi işıqsız qalıb, eyni zamanda, Sisak şəhərində xəstəxananın dam örtüyü uçub. Ölənlərin sayı 8 nəfərə çatıb.
