Yəmən Ali Siyasi Şura sədri Mehdi əl-Meşşat: “Şəhidlərin qanı yerdə qalmayacaq, intiqam alınacaq”

Yəmən Ali Siyasi Şurasının sədri Mehdi əl-Meşşat ötən cümə axşamı İsrailin Sənaya endirdiyi hücum nəticəsində Baş nazir Əhməd Qalib ər-Ruhavi və bir neçə nazirin şəhid olmasının ardınca açıqlama verib. O, şəhidlərin qanının yerdə qalmayacağını vurğulayaraq, sionistlərdən intiqam alınacağını bəyan edib.

Əl-Meşşat açıqlamasında deyib:
“Böyük Yəmən xalqına, mücahid qardaşımız Baş nazir Əhməd Qalib ər-Ruhavinin və onunla birlikdə yolunu davam etdirən silahdaşlarının şəhadətini həm dərin hüzn, həm də böyük qürur hissi ilə çatdırırıq. Onlar tarixin ən ağır dönəmində böyük bir məsuliyyəti şərəflə daşıdılar və Qəzzaya, fələstinli qardaşlarımıza dəstək vədini qanları ilə möhürlədilər.”

Yəmənli liderin sözlərinə görə, İsrailin hücumları dirənişi sarsıtmayacaq:
“Əmin olun ki, intiqamımızı mütləq alacağıq. Düşmən nə hücumları ilə, nə də təhdidləri ilə bizim iradəmizi zəiflədə bilməyəcək. Qəzzaya dəstəyimiz, hücumlar dayanana və mühasirə tamamilə aradan qalxana qədər davam edəcək.”

Əl-Meşşat həmçinin bütün dünyaya müraciət edərək, sionist rejimə bağlı şəxs və qurumlarla bütün əlaqələrin kəsilməsini tələb edib. O, beynəlxalq şirkətlərə də çağırış edərək bildirib:
“İşğal altındakı torpaqlarda fəaliyyət göstərən bütün şirkətlərə son xəbərdarlığım budur: vaxt itirmədən dərhal həmin torpaqları tərk edin.”