Yəmən Fələstinə dəstək üçün nümayişləri davam etdirir

Yəmən xalqı cümə günü bu ölkənin müxtəlif şəhərlərində, o cümlədən Yəmənin paytaxtı Sənada davamlı yürüşləri ilə Fələstin xalqına dəstək olduqlarını bəyan edib və İsrail rejiminin qətllərini pisləyib.

Sənada “Qəzza və Əqsa üçün dəstəyimiz, məsuliyyətimiz və cihadımız” başlığı ilə keçirilən möhtəşəm nümayişin sonunda verilən açıqlamada “Fələstin xalqına dəstək istiqamətində qətiyyətli və prinsipial mövqeyimizi vurğulamağa davam edirik” deyilib.

Səssiz qalan və hətta İsrail cinayətlərə şərik olan bütün kompromislərdən öz ikrah və bəraətini ifadə edən bu bəyanat rejimin cinayətlərinin cavabının qəti olduğunu və sürprizlərin gələcəyini bildirib.

Nümayişin yekun bəyanatında Yəmənin bütün mövcud təhlükələrə baxmayaraq Fələstinə verdiyi dəstəkdən əl çəkməyəcəyi, bu gün və gələcəkdə İsrail rejiminin cinayətlərinə reaksiya verəcəyi bildirilib.

Yəmən xalqı ərəb ölkələrinə xitab edərək deyib: “Ey ərəblər və müsəlmanlar! Nəyi gözləyirsiz? Düşmən müqəddəsləri təhqir etdi, Quranı cırdi, 150 minə yaxın uşağını, qadınını və məzlumunu öldürüb, yaraladı.

İsrailin düşməni Məscidül-Əqsada yəhudi sinaqoqu tikməyə çalışır. Əgər bu düşmənçilik hərəkəti sizin vicdanınızı narahat etmirsə, daha nə etmək lazımdır?

Yəmənlilər Fələstin xalqına və onun müqavimətinə dəstək olmaq üçün işğal olunmuş ərazilərin limanlarına gedən İsrail gəmilərinin Oman dənizi və Qırmızı dənizdən keçməsinə icazə vermir və bununla da rejimi mühasirəyə alırlar.

Yəmən ordusu bu çərçivədə uğurlu əməliyyatlar həyata keçirərək rejimin işğal etdiyi torpaqların cənub limanlarına külli miqdarda iqtisadi ziyan vurub.

Amma digər tərəfdən Amerika-İngiltərə təcavüzkar koalisiyası İsrailin Qəzzada Fələstin xalqına qarşı cinayətlərinə açıq dəstək olaraq gəmiçiliyi dəstəkləmək bəhanəsi ilə bir neçə dəfə Yəmən ərazisinə hücum edib.