Yəmən hərbi rəsmisi: Neftin talan edilməsi əməliyyatını nakam qoyduq
Yəmən silahlı qüvvələrinin sözçüsü briqada generalı Yəhya Səri bəyan edib ki, düşmənin qaçaqmalçılıq üçün istifadə etdiyi Qana limanı vasitəsilə xam nefti talamaq cəhdi uğursuzluqla nəticələnib.
Əhd xəbər saytının cümə axşamı günü verdiyi xəbərə görə, Yəhya Səri bu məsələni açıqlayarkən belə izah edib: Yəmən silahlı qüvvələri Allahın köməyi ilə düşmənin Qana limanından xam nefti talan və qaçaqmalçılıq cəhdini məğlub edə bildi.
O, əlavə etdi: Bu məqsədlə silahlı qüvvələr bu limandakı neft tankerlərinə xəbərdarlıq mesajları göndərməklə Yəmən xam neftinin oğurlanması və qaçaqmalçılığının qarşısını aldılar.
O, qeyd edib ki, silahlı qüvvələr Yəmənin suveren milli sərvətini bu ölkənin məzlum xalqının hüquqları kimi qorumağa və hər şeydən əvvəl dövlət işçilərinin hüquqlarını təmin etməyə sadiq olduqlarını bir daha vurğulayırlar.
Digər tərəfdən, Yəmən Ənsarullahının rəhbərlərindən olan “Məhəmməd Əl-Bəxiti” ötən çərşənbə günü “Russia Today” şəbəkəsinə verdiyi müsahibədə səudiyyəlilərlə sionistlər arasında gizli əlaqələri ifşa edib və Ər-Riyad hakimiyyətinə işğalçı rejimdən silah almaq məsələsinə görə şiddətli hücumlar edib.
O, sionist rejimlə əlaqələrinə görə Ər-Riyada eyham edərək deyib: İsrail istisna olmaqla, Yəmənin dostlarından, hər hansı bir ölkədən və ya hər hansı digər tərəfdən silah alması ayıb deyil.
Səudiyyə Ərəbistanı, BƏƏ də daxil olmaqla bir neçə ərəb ölkəsinin koalisiyası şəklində və ABŞ-ın köməyi və yaşıl işığı ilə Abdi Rəbbih Mansur Hadini geri qaytarmaq bəhanəsi ilə 6 aprel 2014-cü ildən ən yoxsul ərəb ölkəsi olan Yəmənə qarşı kütləvi hücumlara başladı. Lakin Yəmən xalqı və silahlı qüvvələrinin cəsarətli müqaviməti və xüsusi raket və dron əməliyyatlarının kölgəsində bu məqsədlərə nail ola bilmədilər və atəşkəsi qəbul etməyə məcbur oldular.
