Yəmən İsrail hava bazasına raket zərbələri endirib
Yəmən Silahlı Qüvvələri işğal olunmuş ərazilərin cənubunda yerləşən İsrailin Nevatim hava bazasına raket zərbəsi endirib.
Yəmən Silahlı Qüvvələrinin sözçüsü briqada generalı Yəhya Seri bu gün verdiyi açıqlamada Yəmən ordusunun raket qüvvələrinin “Fələstin-2” hipersəs ballistik raketi ilə Nəqabdakı Nevatim Hərbi Hava Bazasını hədəf alan ixtisaslı hərbi əməliyyat həyata keçirdiyini bildirib.
Yəhya Seri raketin “hədəfinə çatdığını” bildirib.
Seri həmçinin ölkənin hava hücumundan müdafiə qüvvələrinin bu gün səhər saatlarında Əl-Cəvfdə ABŞ-a məxsus “ MQ-9 ” tipli təyyarəni vurması ilə bağlı mətbuatda yayılan xəbərləri təsdiqləyib.
Bununla da Yəmən hava hücumundan müdafiə qüvvələrinin müqəddəs cihad zamanı vəd edilən fəthi və Əqsa tufanı döyüşünə dəstək olaraq vura bildiyi bu tip Amerika İHA-larının sayı 12-yə yüksəldi.
Yəmən rəsmisi bu barədə paytaxt Sənada Qəzzalılar və Livan xalqı ilə həmrəylik nümayişləri zamanı açıqlama verib.
Yəmənlilər İsrailin Qəzza və Livandakı vəhşiliklərini pisləmək və ölkələrinin cavab əməliyyatlarına dəstəklərini təkrarlamaq üçün demək olar ki, hər həftə Yəmənin müxtəlif əyalətlərində kütləvi etiraz aksiyaları keçirirlər.
