Yəmən ordusu Səudiyyənin iki aviasiya və bir hərbi bazasına pilotsuz təyyarə hücumu etdiyini açıqladı

Sizinyol xarici mediaya istinadən xəbər verir:

Yəmən Milli Qurtuluş Ordusunun sözçüsü Yəhya Səri Səudiyyə Ərəbistanının cənub-qərbindəki hava limanlarına qarşı dəqiq pilotsuz uçuş əməliyyatları həyata keçirdiyini söylədi.

Hökümət silahlı qüvvələrinin sözçüsü Briqada komandiri Yəhya Səri, şənbə axşamı Twitter hesabında yazdı: “Allaha şükürlər olsun, Qassif 2K İHA-ları ilə Səudiyyə Ərəbistanındakı üç hərbi və aviasiya bazalarına hücum həyata keçirildi.”

Əməliyyat zamanı Ciyzan və Abha hərbi bazası və Xamis Muşəyyit aviasiya bazasının Yəmənli intihar pilotsuz təyyarələri tərəfindən hədəf alındığını söylədi.

Yəhya Səri Yəmən ordusunun Səudiyyə Ərəbistanının cənub-qərbindəki pilotsuz təyyarə əməliyyatını Səudiyyə liderliyindəki Yəmən əleyhinə koalisiyanın cinayətlərinə və Yəmən xalqının davam edən mühasirəsinə bir cavab olaraq xarakterizə etdi.

Yəməndəki təcavüzkar koalisiya son bir həftə ərzində ölkənin müxtəlif bölgələrində onlarla hava hücumu təşkil etdi, 20-dən çox mülki əhali öldürüldü və ya yaralandı.

Koalisiya təkcə ötən çərşənbə günü Yəmənin qərbində atəşkəsi 332 dəfə pozdu.