Yəmən Prezident Şurası sədri BƏƏ prezidenti ilə görüşüb
Yəmənin Səudiyyə Ərəbistanına bağlı prezident şurasının rəhbəri Əbu-Dabidə BƏƏ rəhbəri ilə görüşüb.
Yəmənin Prezident Şurasının sədri Rəşad Əl-Əlimi Əbu-Dabidəki Əl-Bəhr sarayında BƏƏ prezidenti Məhəmməd Bin Zayed ilə görüşüb.
Əmirliyin Xəbər Agentliyi (WAM) məlumat verir ki, görüş zamanı hər iki tərəf ikitərəfli əlaqələri və ortaq maraq doğuran bəzi məsələləri müzakirə edib.
Bu görüşdə Bin Zayed BƏƏ-nin Yəmən xalqının bu ölkədə sülh, sabitlik, inkişaf və firavanlığa nail olmaq səylərinə dəstəyini vurğulayıb.
Bundan əvvəl Səudiyyə Ərəbistanının müdafiə naziri Xalid bin Salman da Ər-Riyaddakı iqamətgahında Əl Əlimini ziyarət edib.
Səudiyyə Ərəbistanının müdafiə naziri bu görüşdə ölkəsinin bütün sahələrdə Yəmən Prezident Şurasına dəstəyinin davam etdirilməsini, həmçinin BMT nümayəndəsinin Yəməndə sülh və münaqişənin həllinə nail olmaq üçün hərtərəfli və sabit siyasi həllə nail olmaq səylərini dəstəklədiyini vurğulayıb.
