Yəmən rəsmisi: Əsir mübadiləsinin yekun siyahısı Səudiyyə koalisiyası ilə imzalanıb
Yəmənin Əsirlərin İşləri üzrə Milli Komitəsinin rəhbəri Səudiyyə koalisiyası ilə Milli Qurtuluş Hökumətinin əsirlərinin mübadiləsinin yekun siyahısının imzalandığını açıqlayıb.
Yəmənin Əsirlərin İşləri üzrə Milli Komitəsinin rəhbəri Əbdülqadir Əl-Mürtəza bu şənbə günü Yəmən nümayəndə heyətinin Səudiyyə Ərəbistanına səfərinin və bu ölkənin həbsxanalarına ziyarətinin uğurlu olduğunu açıqlayıb.
Əl-Mürtəza bildirib ki, Yəmən nümayəndə heyəti Səudiyyə Ərəbistanındakı həbsxanasındakı məhbusların vəziyyəti ilə maraqlanıb və Əl-Məsirə xəbər kanalına deyib: “Bizim heyət razılaşmanın icrası ilə bağlı problemlərdən biri olan məlumat bazasında düzəlişlər edib. “
O, Yəmənin Səudiyyə tərəfi ilə məhbus mübadiləsi aparacağı yekun siyahının imzalanmasına toxunaraq deyib: Yəmənli muzdlular da daxil olmaqla, digər tərəflərlə hələ də problemlər var. Bu barədə Səudiyyə komandası ilə danışdıq və onlar bu problemi həll edəcəklərinə söz verdilər.
Bu yəmənli rəsmi ümidvar olduğunu bildirib ki, bu cür səfərlər Yəməndə razılaşmanın tam şəkildə həyata keçirilməsi və ya Yəməndə humanitar böhrana son qoyulması istiqamətində ilk addım olacaq.
Yəmənin məhbusların işini heç bir siyasi, hərbi və ya təhlükəsizlik dəyişkənliyi ilə əlaqələndirməməyə meylli olduğuna işarə edən Əl-Mürtəza diqqət çəkib: Ümid edirik ki, digər tərəflər də buna hazırdır. Biz məhbus mübadiləsi sazişini həyata keçirməyə hazırıq.
Yəmənin Məhbusların İşləri üzrə Milli Komitəsinin rəhbəri ötən sentyabr ayının sonunda bildirib ki, BMT-nin atəşkəs elan etdiyi vaxtdan bəri məhbusların işi daxili və beynəlxalq səviyyədə demək olar ki, durğunlaşıb.
Əl-Mürtəza diqqətə çatdırıb: Baxmayaraq ki, biz bu ilin mart ayında 2200-dən çox məhbusun mübadiləsi barədə razılığa gəlmişik, lakin təcavüzkar Səudiyyə-BƏƏ koalisiyası və onların muzdluları hələ də öz mövqelərində israrlıdırlar.
O, Səudiyyə koalisiyasının muzdlularının Birləşmiş Millətlər Təşkilatının bu razılaşmanın uğur qazanması üçün bütün səylərini puça çıxardığını bəyan edərək, son işin İordaniyada danışıqlar raundunun keçirilməsi olduğunu bildirib.
Əl-Mürtəza sonda təcavüzkar koalisiyanın hazırda səudiyyəli məhbusları və bir sıra muzdlu liderləri azad etməyə və qalanlarını təxirə salmağa çalışdığını, lakin Yəmənin bu məsələnin əleyhinə olduğunu və bu razılaşmanı həyata keçirməyə hazır olduğunu vurğuladı.
