Yəmən silahlı qüvvələrinin son 24 saatda ABŞ hərbi gəmilərinə üç hücumu

Yəmən silahlı qüvvələri Qırmızı dənizdə son 24 saat ərzində “Truman” gəmisi və düşmən hərbi birləşmələri ilə üç dəfə qarşıdurmada olduğunu açıqlayıb.

Sizinyolun xarici medialara istinadən verdiyi məlumata əsasən, Yəmən Silahlı Qüvvələrinin sözçüsü Yəhya Səri bu gün (30 mart) deyib: Allahın köməyi ilə qüvvələrimiz üçüncü həftədir ki, Amerikanın davamlı təcavüzü ilə məsuliyyətli və fəal qarşıdurmalarını davam etdirir. Qüvvələrimiz son 24 saat ərzində Qırmızı dənizdə üç dəfə USS Truman təyyarədaşıyan gəmisi və düşmən hərbi birləşmələri ilə toqquşdu.

Yəhya Səri bəyanatında bildirib ki, Yəmən silahlı qüvvələri bu toqquşmalarda raket gücü, pilotsuz təyyarələr donanma və qanadlı raketlərdən istifadə edərək Amerika təcavüzkar qüvvələrinə hücum edib.

O, bu bəyanatında Yəmənin müdafiəsi və məzlum Fələstin xalqına dəstək olmaq üçün dini və insani borcunu yerinə yetirməyin zəruriliyini vurğulayıb.

Bəyanatda həmçinin deyilir: Seyid Əbdülməlik Bədrəddin əl-Husi, Qəzzanın qəhrəman döyüşçülərinə, dünyanın hər yerindən azad olan insanlara salamlarımızı çatdırır, Allahın köməyi ilə düşmən təcavüzünə qarşı müdafiə fəaliyyətimizi gücləndiririk.