Yəmən Silahlı Qüvvələrinin sözçüsü: Sionist rejimə qarşı raket əməliyyatı uğurlu oldu
Yəmən Silahlı Qüvvələrinin mətbuat katibi Təl-Əvivin Ben Qurion hava limanına raket hücumu edildiyini elan edərək, əməliyyatın uğurlu keçdiyini və hava limanında uçuşların yarım saatlıq dayandırıldığını bildirib.
Yəmən Silahlı Qüvvələrinin mətbuat katibi Yəhya Sərii verdiyi açıqlamada Yəmən Silahlı Qüvvələrinin raket qüvvələrinin “Fələstin 2” hipersəs raketi ilə Tel-Əvivdəki Ben Qurion hava limanını hədəf aldığını açıqlayıb.
O, əməliyyatın uğurla keçdiyini və hava limanında uçuşların yarım saatlıq dayandırıldığını deyib.
Y. Sərii həmçinin qeyd edib ki, ölkənin raket və pilotsuz təyyarələri ABŞ-ın Yəmənə qarşı onlarla təcavüzünə cavab tədbirləri çərçivəsində ötən saatlarda Qırmızı dənizdə ABŞ-ın təyyarədaşıyan USS Harry Truman və bir sıra digər ABŞ hərbi gəmiləri ilə bir neçə saat ərzində qarşıdurmada olub.
Mətbuat katibi ölkənin əməliyyatlarını davam etdirəcəyini vurğulayıb.
O bildirib ki, bu hərbi əməliyyat Qəzzaya təcavüz bitənə qədər davam edəcək.
