Yəməndə ehtiyaclı uşaqların sayı açıqlandı

Sizinyol xarici KİV-ə istinadən xəbər verir ki, Birləşmiş Millətlər Təşkilatının Uşaq Fondu (UNICEF) Yəməndə 11,3 milyon uşağın humanitar yardıma möhtac olduğunu bildirib.

UNICEF son hesabatında, Yəmənin qanlı münaqişə illərində dünyanın ən böyük humanitar böhranından əziyyət çəkən ölkə olduğunu, 20.7 milyon insanın, başqa sözlə əhalisinin təxminən 71 faizinin yardıma ehtiyaclı olduğunu söyləyib.

Bundan əlavə bu təşkilat iyul ayının əvvəlində altı milyondan çox yəmənli uşağın təhsilinin təhlükə altında olduğunu və təhsildən məhrum olma təhlükəsi ilə üzləşdiyini xəbərdarlıq edib. Hazırda məktəbli yaşında olan 2 milyon uşaq təhsildən məhrum olub.

Təşkilat daha əvvəl bəyan etmişdi ki, ölkədəki müharibə səbəbindən 8,1 milyon uşaq təhsillə bağlı fövqəladə ehtiyaca malikdirlər və bu göstərici müharibədən əvvəlki vəziyyətdən (1,1 milyon uşaq) ciddi şəkildə fərqlənir.