Yəməndə öldürülən insanların sayı açıqlandı
Sizinyol xarici KİV-ə istinadən xəbər verir ki, BMT-yə bağlı bir komitənin hesabatına görə, 2015 -ci ildə Səudiyyə koalisiyasının Yəmənə təcavüzündən bu yana ən azı 18 min yəmənli mülki şəxs hava zərbələri nəticəsində ölmüş və ya yaralanmışdır.
Russia Today -in məlumatına görə, Birləşmiş Millətlər Təşkilatı tərəfindən təyin edilən mütəxəssislər, İnsan Haqları Şurasına verdiyi hesabatda, yəmənlilərə qarşı gündə təxminən on hücum olmaqla 2015 -ci ilin mart ayından bu yana 23 mindən çox hava hücumu həyata keçirildiyini bildirmişlər.
Hesabatda Yəməndə bütün hava hücumlarının Səudiyyə Ərəbistanının başçılıq etdiyi koalisiya tərəfindən həyata keçirildiyi vurğulanır.
Səudiyyə koalisiyası, 2015 -ci ilin mart ayından etibarən devrilmiş Mənsur Hadi hökumətinin legitimliyini bərpa etmək bəhanəsiylə Yəmənə hücum edərək onu quru, hava və dəniz mühasirəsinə almışdır. Lakin bu təcavüz və sanksiyalar Yəmən üçün aclıqdan və qətldən başqa bir nəticə verməmişdir.
