Yəmənin müdafiə naziri: Səudiyyə koalisiyasına qarşı çıxmaq strateji bir seçimdir
Yəmənin Milli Qurtuluş Hökumətinin müdafiə naziri cümə axşamı gecəsi Səudiyyə koalisiyasına qarşı durmağın strateji bir seçim olduğunu bildirib.
Əl-Məsirənin məlumatına görə, general-mayor Məhəmməd Nasir Əl-Atifi düşmən koalisiyası ilə qarşılaşmağın Yəmən üçün geri dönüşü olmayan strateji variant olduğunu vurğulayıb və əlavə edib: “Əgər düşmən hərbi gərginlik yaratmaq istəsə, əslində cəhənnəmə tərəf gedəcək.”
O, davam edib: Koalisiya ölkələri hərbi cəhətdən məğlub olduqdan sonra atəşkəsdən daha pis iqtisadi və humanitar tədbirlər həyata keçirmək üçün pərdə kimi istifadə etməyə çalışdılar.
Əl-Atifi deyib: Şərtlərimizə sadiq qalacağıq; Ya Yəmən xalqının tələblərini yerinə yetirməklə yanaşı atəşkəs, ya da məzlum millətimizin qalib gələcəyi müharibə.
Yəmənin müdafiə naziri əlavə edib: Yəmənin tarixi, prinsipləri və dəyərləri müstəmləkəçilərə və təcavüzkarlara təslim olmağı qəbul etmir və bu gün bütün Yəmən xalqı düşmənlərin hədəfindədir.
Əl-Atifi sonda deyib: Düşmənin əsas və son məqsədi Yəmənin məhv edilməsi və onun sərvətlərinin talan edilməsi və yeni titullarla müstəmləkəçiliyin bərpasıdır.
Bundan əvvəl Yəmənin xarici işlər naziri Hişam Şərəf Birləşmiş Millətlər Təşkilatının baş katibinin köməkçisi Coys Masoya ilə görüşündə demişdi ki, təcavüzkar ölkələr, yəni Səudiyyə Ərəbistanı və BƏƏ atəşkəs tələblərini bilirlər.
O əlavə etdi: “Səna milyonlarla yəmənlinin arzusunu bəyan edir və bu, xarici tövsiyə və diktələrdən uzaq olan şərəfli sülhün reallaşmasıdır, lakin məqsəd vəziyyəti “nə müharibə, nə də sülh” vəziyyətinə salmaqdırsa, biz bunu qəbul etmirik.
Səudiyyə Ərəbistanı BƏƏ də daxil olmaqla bir neçə ərəb ölkəsinin koalisiyası şəklində 6 aprel 2014-cü ildən ABŞ-ın yardımı və yaşıl işığı və sionist rejimin dəstəyi ilə ən kasıb ərəb ölkəsi olan Yəmənə qarşı genişmiqyaslı hücumlara başlayıb.
7 il Yəmənə təcavüz edib minlərlə insanı qətlə yetirərək ölkənin infrastrukturunu dağıtdıqdan sonra, bu ölkələr nəinki məqsədlərinə çatmadılar, hətta Yəmən silahlı qüvvələrinin öz ərazilərinin dərinliklərinə endirdiyi raket və pilotsuz təyyarə zərbələrindən sonra atəşkəsi qəbul etməyə məcbur oldular.
Yəməndə atəşkəs rejimi təcavüzkar Səudiyyə koalisiyası tərəfindən dəfələrlə pozulub, lakin BMT məsləhətləşmələrindən əvvəl bir dəfə uzadılıb. Bu atəşkəsin 2 aylıq uzadılması avqustun 11-də başa çatıb, yenidən uzadılıb.
