Yəmənin raket hücumu Ben Qurion hava limanını tətilə sürüklədi

Yəmənin raket hücumu Ben Qurion hava limanını tətilə sürüklədi

 Yəmənin raket hücumundan sonra Təl-Əviv, Qüds və işğal olunmuş ərazilərin böyük bir hissəsində sirenlər səslənib.

Sizinyolun xarici KİV-lərə istinadən verdiyi məlumata əsasən, bu gün (18 yanvar)  Yəməndən işğal olunmuş ərazilərə doğru raket atıldığını və Təl-Əviv və Lod bölgələri, Ben Qurion hava limanı, Aşdodun şimal və şərqində, Qüds və ətraflarında sirenlərin işə salındığını bildiriblər.

Bu mənbələr rejim ordusunun Təl-Əviv və digər bölgələrdə həyəcan təbili çalmasının səbəbinin Yəməndən ballistik raket atması olduğunu açıqladığını vurğulayıb.

İsrailin Kanal 12 telekanalı da Ben Qurion hava limanının fəaliyyətinin dayandırıldığını bildirib.

Kanal həmçinin bildirib ki, Təl-Əvivə atılan Yəmən raketinin qəlpələri Təl-Əvivin cənubundakı Beer Yaakov bölgəsində yanğına səbəb olub və əraziyə yanğınsöndürmə qrupları göndərilib.

İsrailin xilasetmə təşkilatı həmçinin bir neçə sionistin raket qorxusundan sığınacaqlara qaçdığını, izdiham səbəbindən bəzilərinin isə yaralandığını açıqlayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

four × one =